Posts by Brydon

    ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦ (NMC) ᑭᐅᔾᔪᑎᖏᑦ ᑲᓇᑕᐅᑉ ᒐᕙᒪᒃᑯᖏᑕ ᑐᖑᔪᖅᑐᖅ ᒪᑭᒪᓇᓱᐊᕐᓂᕐᒧᑦ ᐱᓕᕆᒋᐊᕈᑎᒃᓴᖅ

    ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦ ᑐᓂᓯᓯᒪᓕᖅᑐᑦ ᐅᖃᐅᓯᒃᓴᖏᓐᓂᒃ ᑐᖑᔪᖅᑐᒧᑦ ᑮᓇᐅᔭᓕᐅᕐᓂᕐᒧᑦ ᐃᓚᐅᑎᑦᑎᓂᕐᒧᑦ ᐸᐃᑉᐹᒧᑦ. ᑎᑎᖅᑲᖅ ᑖᒃᑯᓄᖓ ᒥᓂᔅᑕᒧᑦ ᐃᖃᓗᓕᕆᔨᒃᑯᓐᓄᑦ ᐃᒪᕐᒥᐅᑕᓕᕆᔨᒃᑯᓐᓄᓪᓗ ᐊᒻᒪᓗ ᑲᓇᑕᒥᑦ ᐊᒻᒪᓗᑦᑕᐅᖅ ᐃᖏᕐᕋᔪᓕᕆᔨᒃᑯᓐᓄᑦ ᖃᐅᔨᓴᖅᑏᑦ ᐃᒪᕐᒥᐅᑕᓄᑦ ᐊᑐᐃᓐᓇᐅᒋᕗᑦ ᐅᕘᓇ ᐃᓗᐊᓂᑦ (Documents) ᑎᑎᖅᑲᖁᑎᓂᑦ ᓇᓗᓇᐃᒃᑯᑕᖓᓐᓂ.

    ᑐᒃᓯᕋᐅᑎᓂᒃ ᐱᔪᒥᒍᓱᖁᔨᓂᖅ: IMPAC5

    ᑖᓐᓇ ᑕᓪᓕᒪᖓᑦ ᓄᓇᕐᔪᐊᒥᑦ ᐃᒪᕐᒥᐅᑕᓂᒃ ᓴᐳᔾᔭᐅᓯᒪᓂᐅᔪᓂ ᐃᓂᐅᔪᓂᑦ ᑲᑎᒪᓂᕐᔪᐊᖅ (IMPAC5) ᕿᓂᖅᑐᑦ ᐱᐅᔪᓂᒃ ᑐᒃᓯᕋᐅᑎᓂᒃ ᑐᓂᔭᐅᔪᒪᓪᓗᑎᒃ ᑖᒃᑯᓇᙵᑦ ᐊᔾᔨᒌᙱᑦᑐᓂᒃ ᑕᕆᐅᕐᒥᐅᑕᓂᒃ ᓴᐳᔾᔭᐅᓯᒪᔪᓂᒃ ᐱᓂᕆᔨᓂᑦ, ᑎᒍᒥᐊᖅᑎᐅᖃᑕᐅᔪᓂᒃ, ᐱᓕᕆᕝᕕᖕᓂᒃ, ᒐᕙᒪᒃᑯᓐᓂᑦ ᐊᒻᒪ ᑲᑐᔾᔨᖃᑎᒌᓂᑦ, ᓄᓇᖃᖅᑳᖅᓯᒪᔪᓂᒃ ᐃᓄᖕᓂᒃ, ᐃᓄᖕᓂᒃ ᐊᒻᒪ ᒪᒃᑯᒃᑐᓂᒃ ᐱᓕᕆᔨᒻᒪᕆᖕᓂᒃ.

    ᐅᑭᐅᖅᑕᖅᑐᒥ ᑲᑎᒪᔨᕐᔪᐊᑦ ᒥᓂᔅᑕᓄᑦ ᓴᖅᑭᑎᑕᐅᔪᑦ

    ᑖᓐᓇ 12-ᒋᓕᖅᑕᖓᓂᑦ ᒥᓂᔅᑕᑦ ᑲᑎᒪᑎᓪᓗᒋᑦ ᐅᑭᐅᖅᑕᖅᑐᒥᑦ ᑲᑎᒪᔨᕐᔪᐊᑦ ᓇᓗᓇᐃᖅᓯᓚᐅᖅᑐᖅ ᐃᓱᓕᓐᓂᖓᓂᒃ ᒪᕐᕉᖕᓄᑦ−ᐊᕐᕌᒎᖕᓄᑦ ᐊᐃᔅᓛᓐᒥᑦ ᐃᒃᓯᕙᐅᑕᐅᑉ ᐃᓱᓕᓐᓂᖓᓂᒃ. ᐱᕕᖃᖅᑎᑦᑎᓚᐅᖅᑐᑦ ᕿᒥᕐᕈᔪᓐᓇᖅᖢᑎᒃ ᐊᒻᒪᓗ ᓈᒻᒪᒃᓴᕈᓐᓇᖅᖢᑎᒃ ᑲᑎᒪᔨᕐᔪᐊᑦ ᐱᓕᕆᓂᖏᓐᓂᒃ ᐊᒻᒪᓗ ᐱᐊᓂᒃᑕᖏᓐᓂᒃ ᐊᑐᖅᑕᐅᑎᓪᓗᒍ ᐊᐃᔅᓛᓐᒥᑦ ᐃᒃᓯᕙᐅᑕᖃᕐᓂᕐᒥᒃ.

    ᐱᕕᒃᓴᖃᕐᓂᐅᔪᖅ ᐅᖃᕐᕕᐅᔪᓐᓇᖅᑎᑕᐅᓂᕐᒧᑦ: ᐊᒃᑐᖅᓯᓗᐊᕐᓇᓂ ᐅᓯᑲᖅᑕᖅᑎᓄᑦ ᑕᕆᐅᒃᑰᕐᕖᑦ ᐊᖅᑯᑦ

    ᑲᓇᑕᐅᑉ ᒐᕙᒪᖏᑦ ᕿᓂᖅᐳᑦ ᐅᖃᕐᕕᐅᔪᓐᓇᖅᑎᑕᐅᓂᕐᒧᑦ ᐊᒃᑐᖅᓯᓗᐊᕐᓇᓂ ᐅᓯᑲᖅᑕᖅᑎᓄᑦ ᑕᕆᐅᒃᑰᕐᕖᑦ ᐊᖅᑯᒻᒧᑦ. ᐊᑐᖅᖢᑎᒃ ᑕᕆᐅᒥᑦ ᓴᐳᔾᔨᓯᒪᓂᕐᒧᑦ ᐊᕐᓇᐅᑎᒥᒃ, ᑖᓐᓇ ᐅᑭᐅᖅᑕᖅᑐᒥᑦ ᐊᒃᑐᖅᓯᓗᐊᕐᓇᓂ ᐅᓯᑲᖅᑕᖅᑎᓄᑦ ᑕᕆᐅᒃᑰᕐᕖᑦ ᐊᖅᑯᑦ (ᐊᖅᑯᑦ) ᐱᒋᐊᖅᑎᑕᐅᔪᑦ ᑲᑐᔾᔭᐅᓪᓗᓂ−ᐱᓕᕆᖃᑎᒌᒍᑕᐅᔪᖅ ᑖᒃᑯᓇᙵᑦ ᑲᓇᑕᒥ ᖃᐅᔨᓴᖅᑏᑦ ᐃᒪᕐᒥᐅᑕᓄᑦ, ᐃᖏᕐᕋᔪᓕᕆᔨᒃᑯᑦ ᑲᓇᑕᒥᑦ, ᐊᒻᒪᓗ ᑲᓇᑕᒥ ᖃᐅᔨᓴᕐᓂᐅᔪᒧᑦ ᑕᕆᐅᕐᓂ, ᑕᓯᕐᓂ ᐊᒻᒪᓗ ᑰᖕᓂᑦ ᐱᔨᑦᑎᕋᖅᑎᓄᑦ.

    2021 ᑎᑎᕋᖅᑕᐅᒋᐊᕐᖓᕈᑦ ᓄᓇᕗᒻᒥᑦ ᓄᓇᒥᒃ ᐊᑐᖅᑕᐅᖃᑦᑕᕐᓂᖓᓂ ᐸᕐᓇᒍᑎᒥᒃ ᓴᖅᑭᑕᐅᔪᖅ

    ᑖᒃᑯᐊ ᓄᓇᕗᑦᒥᑦ ᐸᕐᓇᐃᔩᑦ (NPC) ᓴᖅᑮᓯᒪᓕᖅᑐᑦ ᑖᔅᓱᒥᖓ 2021 ᑎᑎᕋᖅᑕᐅᒋᐊᕐᖓᕈ ᓄᓇᕗᒻᒥᑦ ᓄᓇᒥᒃ ᐊᑐᖅᑕᐅᖃᑦᑕᕐᓂᖓᓂ ᐸᕐᓇᒍᑎᒥᒃ ᐊᒻᒪᓗ ᐃᑲᔪᖅᓯᕐᓂᕐᒧᑦ ᐊᑐᖅᑕᐅᖔᕈᓐᓇᖅᑐᑦ ᐊᑐᓕᖁᔭᐅᔪᓪᓗ ᑎᑎᖅᑲᒥᒃ. ᑎᑎᕋᖅᓯᒪᔪᑦ ᑐᓂᔭᐅᓚᐅᖅᑐᑦ ᑕᒪᑐᒧᖓ ᑎᑎᕋᖅᑕᐅᒋᐊᕐᖓᕈᑦ ᓄᓇᕗᒻᒥ ᓄᓇᒥᒃ ᐊᑐᖅᑕᐅᖃᑦᑕᕐᓂᖓᓂ ᐸᕐᓇᒍᑎᒥᒃ ᑐᒃᓯᕋᖅᑐᑦ ᑐᓂᔭᐅᖁᔭᐅᓪᓗᑎᒃ ᓯᑎᐱᕆ 30 2021-ᖑᓚᐅᖅᑳᖅᑎᓐᓇᒍ.

    ᑮᓇᐅᔭᖃᖅᑎᑦᑎᓂᖅ ᕿᑭᖅᑕᕐᔪᐊᕐᒥᑦ ᐃᑎᔪᒥᑦ-ᑐᓚᒃᑕᕐᕕᖕᒥᒃ ᐅᖃᐅᓯᐅᓚᐅᖅᑐᖅ

    ᑖᒃᑯᐊ ᒐᕙᒪᖏᑦ ᑲᓇᑕᐅᑉ ᐅᖃᖅᓯᒪᓕᖅᑐᑦ ᑮᓇᐅᔭᖃᖅᑎᑦᑎᓂᐊᕐᓂᕋᖅᖢᑎᒃ ᐅᖓᑖᓂᑦ $40 ᒥᓕᐊᓐ ᓴᓇᔭᐅᓂᖓᓄᑦ ᓄᑖᖅ ᐃᑎᔪᒥᑦ-ᑐᓚᒃᑕᕐᕕᒃ ᕿᑭᖅᑕᕐᔪᐊᒥᑦ, ᓴᖅᑮᓂᐊᖅᑐᑦ ᓄᑖᒥᒃ ᐊᑐᖅᑕᐅᖔᕈᓐᓇᖅᑐᒥᒃ ᓂᐅᕋᐃᑎᓪᓗᒋᑦ ᐃᖃᓗᒐᓱᒃᑏᑦ ᐅᒥᐊᕐᔪᐊᑦ ᓄᓇᕗᒻᒥᑦ. ᓯᕗᒻᒧᑦ ᑕᐅᑐᒡᓗᑕ, ᑐᓚᒃᑕᕐᕕᒃ ᐱᔨᑦᑎᕋᐅᑎᖃᕋᔭᕐᒥᔪᖅ ᓄᓇᓕᖕᓂᑦ ᑎᑭᓴᖅᑕᐅᖃᑦᑕᖅᑐᓄᑦ ᐱᖁᑎᓄᑦ ᐊᒻᒪᓗᓗ ᐱᕚᓪᓕᕆᐊᓪᓚᒃᑎᑦᑎᓇᔭᖅᑐᑦ ᐊᓯᖏᓐᓂᒃ ᐊᑐᖅᑎᓂᒃ, ᓲᕐᓗ ᐳᓚᕋᑏᑦ ᐅᒥᐊᕐᔪᐊᑦ.

    ᑐᒃᓯᕋᐅᑎᓂᒃ ᐱᔪᒥᒍᓱᖁᔨᓂᖅ: ᐋᑎᒃᓂᐊᑦ ᐊᕐᒍᑕᒫᑦ ᖃᐅᔨᓴᕐᓂᕐᒧᑦ ᑲᑎᒪᓂᖅ

    ᑕᑯᒃᓴᐅᑎᑕᐅᔪᑦ ᒫᓐᓇ ᐊᖏᖅᑕᐅᕙᓪᓕᐊᓕᖅᐳᑦ ᐅᓂᒃᑳᕆᐊᖅᑐᕈᓐᓇᖅᑎᑕᐅᓪᓗᑎᒃ ᐊᒻᒪ ᖃᕆᑕᐅᔭᒃᑯᑦ ᐊᑭᓐᓇᕐᒥᐅᑕᓂᒃ ᐅᓂᒃᑳᕆᐊᖅᑐᕈᓐᓇᖅᖢᑎᒃ ᐅᑭᐅᖅᑕᖅᑐᒥᐅᑦ ᐊᕐᕌᒍᓕᒫᖅᓯᐅᒻᒥᒃ ᖃᐅᔨᓴᖅᑎᑦ ᑲᑎᒪᓕᖅᐸᑕ ᑎᓯᐱᕆ 6-10, 2021-ᒥᑦ.

    ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦ ᑕᖅᓴᓕᐅᑎᔭᐅᒐᔭᖅᑐᒧᑦ ᓵᓚᒃᓴᐅᓯᐋᕋᓱᐊᕐᓂᖅ ᐱᒋᐊᖅᑎᑕᐅᕗᖅ

    ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦ (NMC) ᖁᕕᐊᑉᐳᑦ ᓴᖅᑭᑎᑦᑎᓂᖏᓐᓂ ᓵᓚᖃᕋᓱᐊᕐᓂᐅᔪᒥ ᓄᓇᕗᒻᒥᐅᓄᑦ ᓴᖅᑭᑎᑦᑎᔪᒪᔪᓄᑦ ᓇᓗᓇᐃᒃᑯᑕᒃᓴᐅᔪᒥ ᑕᑯᒃᓴᐅᑎᑦᑎᔪᒥ ᐃᓚᒋᔭᐅᔪᓂ ᑕᕆᐅᕐᒥ ᐊᑐᓗᐊᖅᑕᐃᓕᓂᕐᒥ ᐊᒻᒪ ᑕᕆᐅᕐᒥ ᐅᓯᑲᑦᑕᕐᓂᐅᔪᒥ − ᑕᐅᑐᒃᑕᑐᐊᖃᑲᐃᓐᓇᖅᑐᒥ ᐱᓕᕆᓂᑦᑎᓐᓂ.

    ᑲᓇᑕᒥ ᐃᒪᕕᓕᕐᓂᕐᒧᑦ ᑎᑎᕿᕆᓂᕐᒧᑦ ᐱᓕᕆᒋᐋᕈᑎᒃᓴᖅ ᐱᒋᐊᖅᑎᑕᐅᕗᖅ

    ᓄᓇ, ᐃᒪᖅ, ᐃᒪᕕᒃ, ᐅᕙᒍᑦ: ᑲᓇᑕᒥ ᐃᒪᕕᓕᕐᓂᕐᒧᑦ ᑎᑎᕿᕆᓂᕐᒧᑦ ᐱᓕᕆᒋᐋᕈᑎᒃᓴᖅ ᐱᒋᐊᖅᑎᑕᐅᕗᖅ ᒫᔾᔨ 16-ᖓᓂ, 2021-ᒥ. ᑲᓇᑕᓕᒫᒥ ᐱᓕᕆᒋᐊᕐᓂᖅ ᑕᑯᒃᓴᐅᓕᖅᑎᑦᑎᖕᒪ 9 ᐱᓕᕆᒋᐊᕐᓂᐅᔪᓂᑦ ᐱᓕᕆᕙᓪᓕᐋᓂᕐᓂᑦ ᐱᔭᐅᑎᑦᑎᓪᓗᑎᒃ ᐊᑐᖅᑕᐅᓪᓗᐋᑕᓱᓂᑦ ᐋᖅᑭᒃᓱᖅᓯᒪᕕᒋᔭᐅᔪᓄᑦ ᐱᓕᕆᒋᐋᕐᓂᕐᓂᑦ ᐊᑐᖅᑎᓪᓗᒋᑦ ᐊᒥᐋᓕᒃᑲᐃᑦ ᓄᓇᓕᖃᕐᕕᒡᔪᐋᖓᓂ ᖁᓕᑦ ᐊᕐᕌᒍᑦ ᐃᒪᕕᓕᕆᓂᕐᒥ ᖃᐅᔨᓇᓱᐊᕐᓂᖅ ᓄᖑᑕᐅᑎᑦᑎᑦᑕᐃᓕᒪᓂᕐᒥᑦ ᐱᕙᓪᓕᐋᑎᑦᑎᓂᖅ (2021-2030).

    ᓄᑖᖅ ᐅᑭᐅᖅᑕᖅᑐᕐᒥ ᐊᕕᒃᓯᒪᓂᐅᑉ ᑭᒡᓕᖃᕐᕕᖓ ᑐᓴᖅᑕᐅᑎᑕᐅᕗᖅ

    2018−ᒥ, ᐃᒪᕐᒥᐅᑕᓕᕆᔨᒃᑯᑦ ᑲᓇᑕᒥ ᐊᒻᒪ ᑲᓇᑕᒥ ᓯᑯᓯᐅᑎᒃᑯᑦ ᑐᓴᖅᑎᑦᑎᓚᐅᖅᑐᑦ ᓴᖅᑭᖅᑎᑕᐅᓂᖓᓄᑦ ᐃᒻᒥᑰᖅᑐᖅ ᐅᑭᐅᑕᖅᑐᒧᑦ ᐊᕕᑦᑐᖅᓯᒪᔪᑦ ᓯᕗᒧᒋᐊᖅᑎᓪᓗᒍ ᐋᖅᑭᒍᑎᖃᕐᒥᓂᐅᔪᖅ, ᐱᓕᕆᖃᑎᒌᓐᓂᖅ ᐊᒻᒪ ᐃᖅᑲᓇᐃᔭᖃᑎᒌᓐᓂᖅ ᐃᓄᓐᓂᑦ, ᐊᓪᓚᐃᑦ ᐊᒻᒪ ᒪᐃᑏ ᑲᑐᔾᔨᖃᑎᒌᑦ ᐊᒻᒪ ᒐᕙᒪᐃᑦ, ᑲᓇᑕᒥ ᐊᕕᑦᑐᖅᓯᒪᔪᑦ ᐊᒻᒪ ᐅᑭᐅᑕᖅᑐᒥ ᐊᒻᒪ ᐊᓯᖏᑦ ᐱᓕᕆᖃᑎᒋᔭᐅᔪᑦ.