ᐃᑭᐊᖅᑭᕖᑦ ᐊᒻᒪᓗ ᐊᓯᖏᑦ ᐅᖃᓕᒫᒐᒃᓴᖅ

ᐅᑭᐅᑦᑕᖅᑐᒥᑦ ᐊᐅᓪᓛᕐᓂᐅᕙᒃᑐᑦ ᐳᓚᕋᖅᑎᓄᑦ ᐊᐅᓚᑦᑎᔩᑦ (AECO)

2003ᒥ ᐱᒋᐊᕐᓂᖃᔪᔪᑦ, AECO ᐅᑭᐅᖅᑕᖅᑐᒥ ᐅᒥᐊᕐᔪᐊᓂᒃ ᐊᖁᑎᒋᔭᐅᖃᑦᑕᖅᑐᓄᑦ ᐃᓱᒫᓗᑕᐅᖃᑦᑕᖅᑐᑦ ᐃᓱᒪᒋᔭᐅᖃᑦᑕᖅᑐᓪᓗ ᑭᒡᒐᖅᑐᐃᔨᒋᔭᐅᔪᑦ. AECO-ᑯᑦ ᑕᐃᒫᑦᓯᐊᖅ ᐊᐅᓚᑦᓯᔪᒪᔪᑦ, ᐊᕙᑎᒥᐅᑕᕐᓃᑦᑐᑦ ᐃᓱᒪᒋᖃᓯᐅᑎᖃᑦᑕᕐᓗᒋᓪᓗ ᐳᓚᕋᖅᑐᓕᕆᓂᕐᓗ ᐋᓐᓂᐊᖅᑕᐃᓕᒪᑎᑦᓯᓂᒃᑯᓪᓗ ᐅᑭᐅᖅᑕᖅᑐᒥ ᐊᑲᐅᓂᖅᐹᒃᑯᑦ ᐃᓱᐊᕐᓂᖅᐹᒃᑯᓐᓄ ᐃᓱᒪᒋᖃᓯᐅᑎᖕᒥᓗᒋᑦ. AECO ᖃᕆᑕᐅᔭᖅᑎᒎᕈᓐᓇᐅᑎᖓᑦᑎᒍᑦ ᐅᖃᓕᒫᖅᑕᐅᔪᓐᓇᖅᑐᖅ ᐳᓚᕋᖅᑎᓄᑦ ᒪᓕᒐᐅᔪᓐᓇᖅᑐᑦ, ᐅᒥᐊᕐᔪᐊᓕᕆᔨᓄᓪᓗ ᐊᐅᓚᑦᓯᔾᔪᑎᓄᑦ ᐱᑕᖃᕆᓪᓗᓂᓗ.

ᑲᓇᑕᒥᑦ ᓂᕐᔪᑎᓄᑦ ᐱᔨᑦᑎᕋᖅᑏᑦ (CWS)

ᑲᓇᑕᒥᑦ ᓂᕐᔪᑎᓄᑦ ᐱᔨᑦᑎᕋᖅᑏᑦ (CWS) ᐊᐅᓚᑦᑎᔨᐅᔪᑦ ᐊᕙᑎᓕᕆᓂᕐᒧᑦ ᑲᓇᑕᒥᑦ. ᑲᓇᑕᒥᑦ ᓂᕐᔪᑎᓄᑦ ᐱᔨᑦᑎᕋᖅᑏᑦ (CWS) ᐱᓕᕆᐊᒃᓴᖃᖅᑐᑦ ᐊᑐᓕᖅᑎᑦᑎᓂᕐᒥᒃ ᑲᓇᑕᒥᑦ ᓂᕐᔪᑎᓄᑦ ᒪᓕᒐᕐᒥᒃ; ᓂᕐᔪᑏᑦ ᖁᐊᖅᓵᕐᓇᖅᑐᒦᑦᑐᑦ ᒪᓕᒐᖅ; ᑎᑭᑉᐸᒃᑐᓄᑦ ᑎᖕᒥᐊᓄᑦ ᒪᓕᒐᖅ; ᐊᒻᒪᓗ ᑎᒍᐊᙳᙱᑦᑐᑦ ᓂᕐᔪᑏᑦ ᐊᒻᒪᓗ ᐱᕈᖅᑐᑦ ᓴᐳᔾᔭᐅᓯᒪᓂᖏᓐᓄᑦ ᐊᒻᒪᓗ ᒪᓕᒐᑦ ᓄᓇᕐᔪᐊᒥᑦ ᐊᒻᒪᓗ ᑲᓇᑕᒥᑦ ᐊᕕᒃᑐᖅᓯᒪᔪᑦ ᓄᓇᐃᑦ ᑕᐅᖅᓰᓂᕐᒧᑦ ᒪᓕᒐᖅ (ᐊᑐᓕᖅᑎᑕᐅᓂᖏᑦ ᑲᑎᒪᔩᑦ ᑕᒪᒃᑯᓄᖓ ᓄᓇᕐᔪᐊᒥᑦ ᑕᐅᖅᓰᖃᑦᑕᕐᓂᖅ ᖁᐊᓵᕐᓇᖅᑐᓃᑦᑐᓂᒃ ᐱᕈᖅᑐᓂᒃ ᐃᒡᓗᒥᐅᑕᐅᙱᑦᑐᓂᒃ ᐅᕝᕙᓘᓐᓃᑦ CITES).

ᐊᕙᑎᓕᕆᓂᕐᒥᑦ ᐊᒻᒪ ᓯᓚᒥᒃ ᐊᓯᔾᔨᖅᐸᓪᓕᐊᓂᕐᒧᑦ ᑲᓇᑕᒥ (ECCC)

ᐊᕙᑎᓕᕆᓂᕐᒥᑦ ᐊᒻᒪ ᓯᓚᒥᒃ ᐊᓯᔾᔨᖅᐸᓪᓕᐊᓂᕐᒧᑦ ᑲᓇᑕᒦᒃᑯᑦ ᑐᓴᐅᒪᑎᑦᑎᔪᑦ ᑲᓇᑕᒥᐅᓂᑦ ᓴᐳᔾᔨᓂᐅᑉ ᐊᒻᒪᓗ ᐊᑐᓗᐊᖅᑕᐃᓕᓂᐅᑉ ᑕᐃᒪᐃᓕᖓᓐᓇᖅᑐᓂᒃ ᓄᓇᐃᑦ ᒥᒃᓵᓄᑦ, ᐊᒻᒪᓗ ᓴᓗᒪᓗᓂ, ᐊᑦᑕᕐᓇᙱᓪᓗᓂ ᐊᒻᒪᓗ ᓱᕋᐃᔭᐃᓗᐊᖅᑕᐃᓕᓂᖅ ᐊᕙᑎᒥᒃ ᒫᓐᓇ ᐊᖅᒪᓗ ᓯᕗᓂᒃᓴᑦᑎᓐᓂᑦ ᑭᖑᕚᕆᓂᐊᖅᑕᑦᑎᓐᓄᑦ.

ᐃᖃᓗᓕᕆᔨᒃᑯᑦ ᐊᒻᒪ ᐃᒪᓕᕆᔨᒃᑯᑦ ᑲᓇᑕᒥ (DFO)

ᐃᖃᓗᓕᕆᔨᒃᑯᑦ ᐊᒻᒪ ᐃᒪᓕᕆᔨᒃᑯᑦ ᑲᓇᑕᒥ ᒐᕙᒪᑐᖃᒃᑯᓐᓂᖔᖅᖢᑎᒃ ᓯᕗᒃᑲᖅᑕᖅᑐᑦ ᓴᐳᔾᔨᓯᒪᓗᑎᒃ ᐃᒪᖁᑎᑦᑎᓐᓂᑦ ᐊᒻᒪᓗ ᑲᒪᓗᑎᒃ ᑲᓇᑕᒥᑦ ᐃᖃᓗᓕᕆᓂᕐᓂᒃ, ᑕᕆᐅᓂᒃ, ᐊᒻᒪᓗ ᐃᒪᑦᑎᐊᕙᖕᓂᒃ ᓄᓇᒥᖔᖅᑐᓂᒃ. ᐃᖃᓗᓕᕆᔨᒃᑯᑦ ᐊᒻᒪ ᐃᒪᓕᕆᔨᒃᑯᑦ ᑲᓇᑕᒥ (DFO) ᐃᑲᔪᖃᑦᑕᖅᑐᑦ ᖃᓄᐃᙱᑦᑎᐊᕐᓗᑎᒃ ᐊᒻᒪᓗ ᓱᕋᐃᔭᐃᓗᐊᖅᑕᐅᑦᑕᐃᓕᓗᑎᒃ ᐃᒫᓂᑦ ᐆᒪᓂᖃᕐᕕᐅᔪᑦ ᐊᑐᕐᓗᑎᒃ ᓇᔪᒐᐃᑦ ᓴᐳᔾᔭᐅᓯᒪᓗᑎᒃ ᐊᒻᒪᓗ ᓈᒻᒪᓈᖅᓯᒪᔪᓂᒃ ᑭᒡᓕᓯᓂᐊᖅᑕᐅᓯᒪᔪᓂᒃ.

ᐆᓴᓐᔅ ᓄᐊᑦ

ᓯᕗᓕᖅᑕᐅᔪᑦ ᑮᓇᐅᔭᓄᑦ ᐱᐅᒃᑯᓐᓄᑦ ᐃᑲᔪᒐᐅᓪᓗᑎᒃ ᑕᒃᔅ ᐊᓐᓕᒥᑎᑦ ᑲᓇᑕᒃᑯᓐᓄᓪᓗ, ᐅᓴᓐ ᓄᐊᑦ ᑲᓇᑕ ᓴᖅᑭᔮᖅᑎᑦᓯᒋᐊᒃᑲᓐᓂᖅᑎᑦᓯᓇᓱᐊᖅᐸᒃᑐᑦ ᓱᓇᑐᐃᓐᓇᐃᑦ ᖃᐅᔨᓴᖅᑕᐅᓂᖏᓐᓂᒃ- ᑲᓇᑕᐅᓪᓗ ᑕᕿᐅᖓᓃᑦᑐᓂᒃ ᐊᑐᓗᐊᖅᑕᐃᓕᒪᓂᕐᒥᒡᓗ ᐃᓅᓯᖃᑦᓯᐊᕐᓂᖅᓴᐅᖃᑕᐅᔪᓐᓇᖁᓪᓗᒋᑦ ᓄᓇᖃᖅᑳᖅᑐᑦ ᐊᖑᓇᓱᐊᖅᐸᒃᑐᑦ ᓂᕿᒃᓴᕆᓂᐊᖅᑕᒥᓂᒃ. ᐅᑭᐅᖅᑕᖅᑐᒥᐅᓂᒃ ᐃᓕᑉᐹᓪᓕᕈᒪᒍᕕᑦ ᖃᕆᑕᐅᔭᖅᑎᒎᕈᓐᓇᐅᑎᖓᑦᑎᒍᑦ ᐅᖃᓕᒫᕈᓐᓇᖅᑐᑎᑦ ᐊᑐᐊᒐᓕᐊᖑᓯᒪᔪᑦ ᖃᐅᔨᓴᕐᓂᕐᒥᑦ ᓄᓇᕘᖅᑖᕐᓂᕐᒥᒃ ᐃᖃᓗᒃᓯᐅᕐᓂᐊᕐᓂᕐᒥᒡᓗ ᑮᓇᐅᔭᓕᐅᕈᑎᒃᓴᓂᒃ ᐊᕙᑎᒥᐅᑕᓃᑦᑐᑦ ᐃᓱᒪᒋᖃᓯᐅᑎᓗᒋᑦ ᐅᖅᓱᕐᔪᐊᖅᓯᐅᕐᓂᕐᓗ ᑕᕆᐅᒥ ᒪᓕᒃᑕᐅᔪᒃᓴᓕᐊᖑᓯᒪᔪᑦ, ᐅᑭᐅᖅᑕᖅᑐᒃᑯᓪᓗ ᐊᒡᔭᖅᑐᐃᓂᖅ ᐋᓐᓂᖅᑕᐃᓕᒪᓂᕐᒥᑦ ᒪᓕᒐᐃᑦ ᒪᓕᒐᖏᑦᑎᒍᑦ.

ᓄᓇᕐᔪᐊᑉ ᑲᔾᔨᖓᓂᒃ ᖃᐅᔨᒪᓂᖃᖅᑐᑦ ᑲᓇᑕ (POLAR)

ᐅᑭᐅᖅᑕᖅᑐᒦᑦᑐᓂᒃ ᐅᖃᐅᓯᐅᒋᐊᒃᑲᓐᓂᕆᐊᖃᖅᑐᓂᒃ ᐊᒻᒪᓗ ᓴᙱᒡᓕᒋᐊᖅᑎᑦᓯᓂᕐᓗ ᑲᓇᑕᐅᑉ ᓄᓇᕐᔪᐊᒥᐅᑕᓄᑦ ᓯᕗᓕᖅᑎᐅᓂᕆᔭᖓᓐᓂᒃ ᐅᑭᐅᖅᑕᖅᑐᒥ ᓱᓇᑐᐃᓐᓇᕐᓂᒃ ᖃᐅᔨᓴᖃᑦᑕᕐᓂᕐᒥᑦ ᓄᑖᓪᓗ ᐊᑐᖅᑕᐅᖃᑦᑕᖅᕈᓐᓇᖅᓯᔪᓄᓪᓗ ᖃᐅᔨᓴᕈᑎᓂᒃ. ᐴᓗ ᓴᖅᑭᔮᖅᑎᑦᓯᒋᐊᒃᑲᓐᓂᖅᑎᑦᓯᕙᖕᒥᔪᖅ ᖃᐅᔨᒪᔭᓂᒃ ᐊᒥᖅᑳᕈᑎᒋᓪᓗᓂᔾᔪᒃ ᐊᓯᖏᓐᓂ ᐅᑭᐅᖅᑕᖅᑐᒥᐅᓄᑦᑕᐅᖅ, ᐃᓚᖃᓯᐅᑎᓪᓗᒍ ᐊᓐᑦᐋᒃᑎᑲ. ᖃᐅᔨᒪᔨᕐᔪᐊᑦ ᑎᑭᑎᑕᐅᔪᒫᖅᑐᑦ ᐃᖃᓗᒃᑑᑦᓯᐊᕐᒧᑦ, ᓄᓇᕘᒥ ᖃᐅᔨᓴᕆᐊᖅᑐᕐᓂᐊᖅᑐᓂᒃ, ᑲᓇᑕᐅᑉ ᐅᑭᐅᖅᑕᖅᑐᕐᒥ ᖁᑦᓯᒃᑐᒥ ᖃᐅᔨᓴᕐᕕᒃ. ᖃᐅᔨᒋᐊᒃᑲᓐᓂᕈᓐᓇᖅᑐᑎᑦ ᑖᒃᑯᐊ ᐱᓕᕆᐊᕆᕙᓪᓕᐊᔭᖏᓐᓂᒃ ᑐᓴᒐᒃᓴᐅᑎᖏᑦᑎᒍᑦ ᐅᑭᐅᖅᑕᖅᑐᒦᑦᑐᓂᒃ ᖃᐅᔨᕚᓪᓕᕈᑎᒋᔪᒪᒍᕕᒋᑦ ᖃᕆᑕᐅᔭᖅᑎᒎᕈᓐᕼᐅᑎᖓᑦᑎᒍᑦ.

ᓴᐳᒻᒥᔭᐅᓂᖓ ᐅᑭᐅᖅᑕᖅᑑᑉ ᐃᒪᕕᖓᑕ ᐊᕙᑎᖓ (PAME)

ᐋᖅᑭᒃᑕᐅᓯᒪᓪᓗᑎᒃ ᑲᑎᒪᔨᐊᓛᖑᓪᓗᑎᒃ ᐅᑭᐅᖅᑕᖅᑐᒥᑦ ᑲᑎᒪᔩᑦ, PAME−ᑯᑦ ᐱᓕᕆᐊᒃᓴᖓᑦ ᑲᒪᖁᓪᓗᒋᑦ ᐊᑐᐊᖓᕐᓂᒃ ᐊᒻᒪᓗ ᑐᐊᕕᕐᓇᙱᑦᑐᓂᒃ ᓴᕈᐃᔾᔭᐃᖅᓯᒪᓂᕐᓂᒃ ᐊᒻᒪᓗ ᐊᐅᓚᑦᑎᔾᔪᑏᑦ ᐊᒃᑐᐊᔪᑦ ᓴᐳᔾᔭᐅᓯᒪᓂᖓᓄᑦ ᐅᑭᐅᖅᑕᖅᑑᑉ ᑕᕆᐅᖓᑕ ᐊᕙᑎᖓ ᑕᒪᕐᒦᖕᓂᒃ ᓄᓇᒥᑦ ᐊᒻᒪᓗ ᑕᕆᐅᒥᑦ−ᑐᙵᕕᓖᑦ ᐱᓕᕆᐊᓂᑦ. ᑕᒪᒃᑯᐊ ᐃᓚᐅᑎᑦᑎᔪᑦ ᐱᓕᕆᖃᑎᒌᖕᓂᕐᓂᒃ ᐱᓕᕆᐊᒃᓴᓪᓚᕆᖕᓂᒃ ᐋᖅᑭᒃᓱᖅᓯᒪᔪᓂᒃ ᐊᒻᒪᓗ ᒪᓕᒃᑕᐅᔪᓐᓇᖅᑐᓂᒃ ᐊᑲᐅᓈᖃᑎᒌᒡᓗᑎᒃ ᒫᓐᓇ ᒪᓕᒐᖅᑎᒍᑦ ᐋᖅᑭᒃᓱᖅᑕᐅᓯᒪᔪᑦ.

ᓄᓇᕐᔪᐊᒥᒃ ᓂᕐᔪᑎᑦ ᑮᓇᐅᔭᖏᓐᓄᑦ ᑲᓇᑕ (WWF)

ᓄᓇᕐᔪᐊᒥᒃ ᓂᕐᔪᑎᑦ ᑮᓇᐅᔭᖏᓐᓄᑦ ᑲᓇᑕ ᑭᒡᓕᓯᓂᐊᕐᓂᕐᒥᒃ−ᑐᙵᕕᖃᖅᑐᑦ ᐊᑐᓗᐊᖅᑕᐃᓕᓂᕐᒧᑦ ᑎᒥᐅᔪᑦ ᐱᓕᕆᔪᑦ ᐊᑐᓗᐊᖅᑕᐃᓕᑎᑦᑎᓂᕐᒥᒃ ᖁᐊᖅᓵᕐᓇᖅᑐᒦᑦᑐᓄᑦ ᓂᕐᔪᑎᓄᑦ, ᓴᐳᑎᓯᒪᓗᒋᑦ ᖁᐊᖅᓵᕐᓇᖅᑐᒧᐊᖅᑎᑕᐅᓯᒪᔪᑦ ᓇᔪᒐᑦ ᐊᒻᒪᓗ ᑲᒪᖁᓪᓗᒋᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᒃ.