ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦ ᑕᖅᓴᓕᐅᑎᔭᐅᒐᔭᖅᑐᒧᑦ ᓵᓚᒃᓴᐅᓯᐋᕋᓱᐊᕐᓂᖅ ᐱᒋᐊᖅᑎᑕᐅᕗᖅ

ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦ (NMC) ᖁᕕᐊᑉᐳᑦ ᓴᖅᑭᑎᑦᑎᓂᖏᓐᓂ ᓵᓚᖃᕋᓱᐊᕐᓂᐅᔪᒥ ᓄᓇᕗᒻᒥᐅᓄᑦ ᓴᖅᑭᑎᑦᑎᔪᒪᔪᓄᑦ ᓇᓗᓇᐃᒃᑯᑕᒃᓴᐅᔪᒥ ᑕᑯᒃᓴᐅᑎᑦᑎᔪᒥ ᐃᓚᒋᔭᐅᔪᓂ ᑕᕆᐅᕐᒥ ᐊᑐᓗᐊᖅᑕᐃᓕᓂᕐᒥ ᐊᒻᒪ ᑕᕆᐅᕐᒥ ᐅᓯᑲᑦᑕᕐᓂᐅᔪᒥ − ᑕᐅᑐᒃᑕᑐᐊᖃᑲᐃᓐᓇᖅᑐᒥ ᐱᓕᕆᓂᑦᑎᓐᓂ. ᐃᓯᕈᑏᑦ ᑐᓂᔭᐅᔪᓐᓇᖅᐳᑦ info@nunavutmarinecouncil.ca−ᒧᑦ, ᑎᑎᖅᑲᕐᓂᐊᕐᕕᒃᑯᑦ, ᓱᒃᑲᔪᒃᑰᕈᑎᒧᓪᓘᓐᓃᑦ. ᐃᓯᕈᑏᑦ ᐅᖃᐅᓯᐅᓂᐊᖅᐳᑦ ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦᓴ ᕙᐃᔅᐳᒃᑯᑦ ᒪᒃᐱᖅᑐᒐᖓᒍᑦ ᓂᕈᐊᕐᕕᒃᓴᑐᐃᓐᓇᐅᓗᓂ, ᑭᖑᓪᓕᖅᐹᖓ ᐃᓱᒪᓕᐊᖑᓂᐅᓂᐊᕐᓗᓂ ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᓐᓄᑦ ᐱᓕᕆᓪᓗᑎᒃ ᑲᑎᙵᓂᐅᔪᓄᑦ. ᐱᖓᓱᑦ (3) ᓵᓚᖃᖅᑎᐅᔪᑦ ᐅᖃᐅᓯᐅᓂᐊᖅᐳᑦ ᓄᓇᕐᔪᐊᒥ ᐃᒫᓗᖕᓄᑦ ᐅᓪᓗᖓᓂ (ᔫᓂ 8, 2021−ᒥ) ᐊᒻᒪ ᐱᓂᐊᖅᐳᖅ ᖃᕋᓴᐅᔭᕋᓛᒥᒃ Mac Book Air (ᓯᕗᓪᓕᐅᔪᒧᑦ ᓵᓚᖃᖅᑐᒥ), ᐅᖃᓘᑎᕋᓛᒥᒃ iPhone (ᒪᕐᕈᖓᓂ ᓵᓚᖃᖅᑐᒥ) ᐊᒻᒪᓗ ᐊᐃᐹᑦ iPad (ᐱᖓᔪᖓᓐᓂ ᓵᓚᖃᖅᑐᒥ). ᓵᓚᒃᓴᐅᓯᐋᕋᓱᐊᕐᓂᕐᒧᑦ ᒪᓕᒃᑕᐅᖁᔭᐅᔪᑦ ᐊᒻᒪᓗ ᐊᔪᕆᒃᓯᐅᔾᔨᓯᒪᔪᑦ ᑕᑯᔭᐅᔪᓐᓇᖅᐳᑦ ᐅᕙᓂ ᑎᑎᕋᒃᓯᒪᔪᖁᑎᓂ ᓇᕿᑦᑕᕆᐋᓕᒃ/ᐅᕘᓇ.

ᐱᒻᒪᕆᐅᔪᑦ ᐅᓪᓗᐃᑦ:
ᐊᐃᕆᓕ 1: ᓵᓚᖃᕋᓱᐊᕐᓂᐅᔪᖅ ᒪᑐᐃᖅᐳᖅ.
ᐊᐃᕆᓕ 30: ᓵᓚᖃᕋᓱᐊᕐᓂᐅᔪᖅ ᒪᑐᕗᖅ.
ᒪᐃ 3-7: ᓂᕈᐊᕐᓂᕐᒧᑦ ᐃᓯᕈᑕᐅᔪᓄᑦ ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦᑕ ᕙᐃᔅᐳᒃ ᒪᒃᐱᖅᑐᒐᖓᓐᓂ.
ᔫᓂ 8: ᓵᓚᖃᖅᑐᑦ ᐅᖃᐅᓯᐅᓂᐊᖅᐳᑦ ᓄᓇᕐᔪᐊᒥ ᐃᒫᓗᖕᓄᑦ ᐅᓪᓗᖓᓂ.