ᑲᓇᑕᐅᑉ ᒐᕙᒪᖏᑦ ᕿᓂᖅᐳᑦ ᐅᖃᕐᕕᐅᔪᓐᓇᖅᑎᑕᐅᓂᕐᒧᑦ ᐊᒃᑐᖅᓯᓗᐊᕐᓇᓂ ᐅᓯᑲᖅᑕᖅᑎᓄᑦ ᑕᕆᐅᒃᑰᕐᕖᑦ ᐊᖅᑯᒻᒧᑦ. ᐊᑐᖅᖢᑎᒃ ᑕᕆᐅᒥᑦ ᓴᐳᔾᔨᓯᒪᓂᕐᒧᑦ ᐊᕐᓇᐅᑎᒥᒃ, ᑖᓐᓇ ᐅᑭᐅᖅᑕᖅᑐᒥᑦ ᐊᒃᑐᖅᓯᓗᐊᕐᓇᓂ ᐅᓯᑲᖅᑕᖅᑎᓄᑦ ᑕᕆᐅᒃᑰᕐᕖᑦ ᐊᖅᑯᑦ (ᐊᖅᑯᑦ) ᐱᒋᐊᖅᑎᑕᐅᔪᑦ ᑲᑐᔾᔭᐅᓪᓗᓂ−ᐱᓕᕆᖃᑎᒌᒍᑕᐅᔪᖅ ᑖᒃᑯᓇᙵᑦ ᑲᓇᑕᒥ ᖃᐅᔨᓴᖅᑏᑦ ᐃᒪᕐᒥᐅᑕᓄᑦ, ᐃᖏᕐᕋᔪᓕᕆᔨᒃᑯᑦ ᑲᓇᑕᒥᑦ, ᐊᒻᒪᓗ ᑲᓇᑕᒥ ᖃᐅᔨᓴᕐᓂᐅᔪᒧᑦ ᑕᕆᐅᕐᓂ, ᑕᓯᕐᓂ ᐊᒻᒪᓗ ᑰᖕᓂᑦ ᐱᔨᑦᑎᕋᖅᑎᓄᑦ. ᐊᖅᑯᑏᑦ ᐱᒋᐊᖅᑕᐅᔪᑦ ᕿᓂᖅᖢᑎᒃ ᒥᑭᓛᒥᒃ ᐊᒃᑐᐃᓂᐅᑐᐃᓐᓇᕆᐊᓕᖕᒧᑦ ᐅᓯᑲᖅᑕᕐᓂᕐᒧᑦ ᑖᒃᑯᓄᖓ ᐆᒪᔪᓄᑦ ᐃᒃᐱᒍᓱᑦᑎᐊᕐᓗᑎᒃ ᐱᖅᑯᓯᒃᑯᑦ ᐊᒻᒪᓗ ᓄᓇᒥᒃ ᐊᒃᑐᖅᑕᐅᓴᕋᐃᑦᑐᓂᒃ ᐃᓂᓂᒃ, ᐱᐅᓯᒋᐊᖅᑎᑦᑎᓂᖅ ᐃᒪᕐᒥᐅᑕᓂᒃ ᓇᒧᙵᐅᕙᓪᓕᐊᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒥᒃ, ᒪᓕᒃᑕᐅᔪᓐᓇᖅᑐᑦ ᑮᓇᐅᔭᓕᐅᕈᑕᐅᓇᓱᒃᑐᓂᒃ ᐅᑭᐅᖅᑕᖅᑐᒥ. ᑐᕌᒐᓪᓗᐊᑕᖓ ᐊᖅᑯᑦ ᐱᒋᐊᖅᑕᐅᓇᓱᒃᑑᑉ ᐱᓕᕆᖃᑎᒌᒡᓗᑎᒃ ᐱᕙᓪᓕᐊᑎᑦᑎᓗᑎᒃ ᐊᐅᓚᑦᑎᕝᕕᖃᕐᓂᕐᒧᑦ ᐊᑐᖅᑕᐅᕙᒃᑐᖅ ᐃᑲᔪᖅᑐᐃᓂᐊᕐᓗᓂ ᐊᖅᑯᑖᓂᑦ, ᓇᓗᓇᐃᖅᓯᔪᒪᓂᕐᒧᓪᓗ ᓯᕗᓪᓕᖅᐸᐅᔾᔭᐅᓯᒪᔪᓂᒃ ᐱᔨᑦᑎᕋᕐᓂᕆᔭᐅᕙᒃᑐᓄᑦ ᐱᐅᓯᒋᐊᖅᑎᑦᑎᓂᐊᕐᓗᓂ.
ᐅᖃᐅᓯᒃᓴᓯ ᑐᓂᔭᐅᔪᓐᓇᖅᐳᑦ ᑐᕌᖃᐅᑎᒋᓗᓂ ᑲᓇᑕᐅᑉ ᒐᕙᒪᖏᓐᓄᑦ ᐅᕝᕙᓘᓐᓃᑦ ᑐᓂᔭᐅᓗᓂ ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᓐᓄᑦ ᐅᕙᑦᑎᓐᓄᑦ ᖃᐅᔨᒋᐊᕐᓗᓯ.
ᖃᖓ: ᐊᐃᑉᕆᓕ 1, 2021 – ᔮᓄᐊᕆ 1, 2022