ᑐᓴᒐᒃᓴᖃᖅᑎᑦᓯᓂᐊᕈᕕᑦ ᑎᑎᖃᒥᒡᓘᕙ ᑐᓂᓯᓂᐊᕈᕕᑦ ᑕᕆᐅᓕᕆᔨᒃᑯᓐᓄᑦ ᖃᕆᑕᐅᔭᒃᑯᑦ ᑕᕕᔪᑎᒃᑯᑦ ᑐᕌᖓᔪᒥᒃ ᑕᕆᐅᓕᕆᔨᒃᑯᑦ ᐱᓕᕆᐊᖓᓐᓄᑦ ᓄᓇᕘᒻᒥ ᓄᓇᐅᑉ ᓇᖕᒥᓂᖅᑖᕆᔭᐅᓂᖓᑕ ᐊᖏᕈᑎᖓᒍᑦ ᐊᒻᒪ ᐊᕕᒃᑐᖅᓯᒪᔪᑦ ᑲᓇᑕᐅᑉᓗ ᒪᓕᒐᖏᑎᒍᑦᒃ, ᑐᑭᓯᐅᒪᔭᕆᐊᖃᖅᐳᑎᑦ ᓂᕆᐅᒋᐊᖃᖏᓇᕕᑦ ᐊᓯᖏᓐᓄᑦ ᑕᑯᔭᐅᓚᖏᒻᒪᑦ ᑕᐃᒻᓇ ᑐᑭᓯᔾᔪᑎᒃᓴᖅ ᑎᑎᖃᕐᓘᓐᓃᑦ. ᐊᑎᕋᓗᖕᓂᒃ ᐊᓯᖏᓐᓂᒡᓗ ᐃᓕᖕᓂᒃ ᐅᖃᐅᓯᓕᖕᓂᒃ ᐃᓕᓯᓯᒪᒍᕕᑦ ᑐᑭᓯᔪᑎᒃᓴᒧᑦ ᑎᑎᖃᒧᓪᓘᓐᓃᑦ, ᐊᖏᖅᓯᒪᕗᑎᑦ ᑕᐃᒻᓇ ᑐᑭᓯᔾᔪᑎᒃᓴᖅ ᐃᓚᒋᔭᐅᓕᕐᓂᐊᕐᒪᑦ ᑭᑐᓗᒃᑖᓐᒧᑦ ᑕᑯᔭᐅᔪᖕᓇᓕᕐᓗᓐᓂ ᖃᕆᑕᐅᔭᒃᑯᑦ ᑕᑯᔪᒻᒥ.

ᑐᓂᓯᓂᐊᕈᕕᑦ ᑐᑭᓯᔪᑕᐅᓂᐊᖅᑐᒥᒃ ᑎᑎᖃᒥᒡᓘᓐᓃᑦ ᑕᕆᐅᓕᕆᔨᒃᑯᓐᓄᑦ ᐊᓯᖏᓐᓄᑦ ᑕᑯᔭᐅᔭᕆᐊᖃᖏᑐᒥᒃ, ᐆᒃᑐᕋᐅᑎᒋᓗᒍ ᐃᖃᓇᐃᔮᒃᓴᒥᒃ ᑕᕆᐅᓕᕆᔨᒃᑯᓐᓂᑦ, ᑕᕆᐅᓕᕆᔨᒃᑯᑦ ᐊᖏᖅᓯᒪᔪᑦ ᐊᓯᖏᓐᓄᑦ ᑕᑯᔭᐅᓚᖏᒪᑦ ᐃᓕᖕᓂᒃ ᐅᖃᐅᓯᖃᖅᑐᖅ ᑎᑎᖃᖅ.

ᐃᓄᖕᒥᒃ ᐅᖃᐅᓯᖃᖅᑐᑦ (ᐃᓄᓗᒃᑖᓄᑦ ᑕᑯᔭᐅᔪᖕᓇᖅᑐᑦ ᑎᑎᖃᖏᓐᓂᓯᐅᖏᑐᑦ) ᑲᑎᖅᓱᖅᑕᐅᓯᒪᔪᑦ ᐃᒪᕐᒥᐅᑕᓕᕆᔨᒃᑯᓐᓄᑦ ᑲᓇᑕᐅᑉ ᒪᓕᒐᖏᓐᓄᑦ ᐃᓕᖓᓂᐊᖅᑐᑦ ᑭᓇᒥᐊᒧᑦ ᑕᑯᔭᐅᓚᖏᓗᑎᒃ. ᑕᒪᓇ ᑐᑭᖃᖅᑐᖅ ᑐᓴᖅᑎᑕᐅᓂᐊᖅᐳᑎᑦ ᓱᓇᒧᑦ ᐃᓕᖕᓂᒃ ᐅᖃᐅᓯᖃᖅᑐᑦ ᑲᑎᖅᓱᒐᐅᖕᒪᖔᑖ ᐊᒻᒪ ᓱᓇᓂᒃ ᐱᔪᖕᓇᕐᓂᖃᕐᒪᖔᖅᐲᑦ ᑕᐃᑉᑯᓄᖓ ᑲᑎᖅᓱᖅᑕᐅᔪᓄᑦ ᐃᓕᖕᓂᒃ ᐅᖃᐅᓯᓕᖕᓂᒃ.