ᐱᓕᕆᔾᔪᑎᓄᑦ ᐸᕐᓇᐅᑎ

ᓄᓇᕘᒥ ᑕᕆᐅᓕᕆᔨᑦ ᑲᑎᒪᔨᖏᑦ (NMC) ᐃᓕᒃᑰᖓᙱᑦᑐᖅ, ᑭᓯᐊᓂᓕ ᖃᐅᔨᒪᔭᐅᔪᑦ ᓄᓇᕘᒥ ᐃᓄᖕᓄᑦ ᒐᕙᒪᒋᐅᔪᓄᑦ ᐊᐅᓚᑕᐅᔪᖅ ᑕᕆᐅᓕᕆᓂᕐᒨᖓᔪᑦ ᐅᖃᐅᓯᐅᖃᑦᑕᕈᓐᓇᖁᓪᓗᒋᑦ ᓯᐊᒃᓯᒪᓂᖅᓴᐅᓪᓗᑎᒃ ᐊᑕᐅᓯᑐᐃᓐᓇᐅᑉ ᐱᓇᓱᐊᒐᒃᓴᖏᑦ ᑲᑐᔾᔨᖃᑎᒌᒡᕕᐅᔫᑉ ᐱᓕᕆᐊᕆᔭᖏᓐᓂᐅᖓᓂᒃ. ᐃᓚᒋᔭᖓ ᐊᑦᑕᑎᓯᒪᐅᖅᑐᑦ ᐱᓕᕆᔾᔪᑕᐅᓂᐊᖅᑐᓂᒃ ᐊᐅᓚᑦᓯᔾᔪᑏᑦ ᐋᖅᑭᒃᑕᐅᓯᒪᔪᑦ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᑦ, ᑕᕆᐅᓕᕆᔨᑦ ᐱᓇᓱᐊᒐᕆᔭᖏᑦ ᓯᕗᒻᒧᐊᒃᓯᒪᕙᕇᖅᑐᑦ ᐱᓕᕆᐊᖃᑎᒌᖕᓂᒃᑯᑦ ᐱᓕᕆᐊᖃᑎᒌᑦᓯᐊᕐᓂᒃᑯᓪᓗ ᑲᑐᔾᔨᖃᑎᒌᒋᔭᐅᔪᓄᑦ ᐃᖅᑲᓇᐃᔭᖅᑎᖏᓐᓄᓪᓗ ᓄᓇᕘᒥ ᐆᒪᔪᓕᕆᔨᕐᔪᐊᒃᑯᓐᓄᑦ, ᓄᓇᕘᒥ ᐸᕐᓇᐃᔩᒃᑯᑎᒎᓇᓗ, ᓄᓇᕘᒥ ᐊᕙᑎᓕᕆᔨᒃᑯᑎᒎᓇᓗ ᐊᒻᒪᓗ ᓄᓇᕘᒥ ᐃᒪᓕᕆᔨᒃᑯᑎᒎᓇᓗ.

ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦ ᐸᕐᓇᐅᑎᖃᖅᑐᑦ ᑲᒪᓂᐊᖅᑐᓂᒃ ᐊᐅᓚᓂᖏᓐᓂᓄᑦ ᑕᐃᑲᙵᑦ 2018-2023−ᒧᑦ. ᐱᓕᕆᔾᔪᑎᑦᓴᓂᑦ ᐸᕐᓇᐅᑎᒍᑦ ᓇᓗᓇᐃᔭᐃᓯᒪᔪᑦ ᐊᑑᑎᖏᓐᓂᑦ ᓄᓇᕗᑦᒥ ᑕᕆᐅᕐᒥᐅᑕᓕᕆᓂᕐᒧᑦ ᑲᑎᒪᔩᑦ ᐊᒻᒪᑦᑕᐅᖅ ᑕᑯᓐᓇᖕᖑᐊᒐᖏᓐᓂᑦ ᖃᓄᖅ ᐱᓕᕆᐊᖃᕈᓐᓇᕋᔭᕐᒪᖔᑕ ᐃᓚᓯᒪᑎᓪᓗᒋᑦ ᐱᓕᕆᔾᔪᑎᑦᓴᑦ ᓯᕗᒧᐊᒍᑎᑦᓴᓂᑦ ᐊᕐᕌᒍᓄᑦ ᑕᓪᓕᒪᓄᑦ ᐱᓕᕆᔾᔪᑎᑦᓴᓂᑦ. ᐸᕐᓇᐅᑎ ᓇᓗᓇᐃᔭᐃᓯᒪᔪᖅ ᐱᓕᕆᐊᒃᓴᓂᒃ ᐸᕐᓇᐅᒃᑕᐅᓯᒪᔪᓂᑦ ᖃᐅᔪᓂᑦ ᑕᓪᓕᒪᑦ (5) ᐊᕐᕌᒍᑦ ᐱᔪᒥᓴᐃᓗᑎᒃ ᐅᔾᔨᕈᓱᓕᖅᑎᑦᑎᓂᕐᒥᒃ ᐊᒻᒪᓗ ᐅᖃᐅᔾᔨᒋᐊᖃᑦᑕᕐᓗᑎᒃ ᐊᒻᒪ ᑭᒃᑯᓕᒫᓄᑦ ᐃᑲᔪᖅᓯᖅᑕᐅᓗᑎᒃ ᓂᓪᓕᐊᔾᔪᑎᒋᓇᓱᐊᖅᑕᒥᖕᓄᑦ ᑖᒃᑯᓄᖓ ᒪᕐᕉᖕᓄᑦ (2) ᑐᐊᕕᐊᓄᑦ ᒫᓐᓇ ᑮᓇᐅᔭᖃᖅᑎᑕᐅᔾᔪᑎᖏᑦᑕ ᖁᕝᕙᓯᖕᓂᖏᑦ ᒪᓕᒃᖢᒋᑦ: ᑕᕆᐅᒥᑦ ᐅᓯᑲᖅᑕᕐᓃᑦ ᐊᒻᒪᓗ ᑕᕆᐅᒥᑦ ᐱᐅᖅᓱᐊᕐᓃᑦ.

ᑐᕌᒐᕆᔭᐅᔪᑦ ᐸᕐᓇᐅᑎᒥᑦ ᐅᑯᐊᖑᔪᑦ:

1. ᐋᖅᑭᒃᓯᓚᐅᕐᒪᑦ ᓄᓇᕗᑦ ᑕᕆᐅᕐᒥᐅᑕᓕᕆᓂᕐᒧᑦ ᑲᑎᒪᔨᓂᑦ ᓂᐱᓪᓗᐊᑕᐅᖁᓗᒋᑦ ᑕᕆᐅᕐᒥᐅᑕᓕᕆᓂᕐᒧᑦ ᐅᒥᐊᕐᔪᐊᒃᑰᖅᑎᑦᑎᓂᒥ.
2. ᐋᖅᑭᒃᓯᓗᑎᒃ ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦᑕ ᐱᓪᓗᐊᑕᐅᔪᑦ ᓂᕆᐅᓂᐊᖅᑐᑦ ᑕᒪᑐᒧᖓ ᑕᕆᐅᒥᑦ ᐱᐅᖅᓱᐊᕐᓂᕐᓄᑦ

ᐋᖅᑭᒃᓯᒪᓂᖓ

ᐊᕕᒃᑐᖅᓯᒪᔪᖅ 15.4.1 ᑎᑎᖅᑲᖅ 15 ᑕᐃᑲᓂ ᓄᓇᕘᒥᑦ ᐊᖏᕈᑎᓂᑦ ᓇᓗᓇᐃᖅᓯᖕᒪᑦ ᐃᒪᓐᓇ: ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ, ᓄᓇᕗᑦ ᐃᒪᓕᕆᔨᑦ ᑲᑎᒪᔨᑦ, ᓄᓇᕗᒻᒥᑦ ᐸᕐᓇᐃᔩᑦ, ᓄᓇᕗᑦᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᐱᓕᕆᖃᑎᒌᒍᓐᓇᖅᑐᑦ, ᐃᒪᐃᑦᑐᓕᕆᔨᐅᓗᑎᒃ ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᑦ (NMC), ᐅᕝᕙᓘᓐᓃᑦ ᐊᒥᓱᒐᓚᐅᓗᑎᒃ, ᐅᖃᐅᔾᔨᒋᐊᖅᑎᐅᓗᑎᒃ ᐊᒻᒪᓗ ᐃᒪᓐᓈᖅᑑᑎᓂᒃ ᑐᓂᓯᖃᑦᑕᕐᓗᑎᒃ ᐊᓯᖏᓐᓄᑦ ᒐᕙᒪᒃᑯᑦ ᑎᒥᖁᑎᖏᓐᓄᑦ ᐱᔾᔪᑎᖃᕐᓗᑎᒃ ᑕᕆᐅᒥᒃ ᐃᓂᐅᔪᓂᑦ, ᐊᒻᒪᓗ ᒐᕙᒪᒃᑯᑦ ᐃᓱᒪᒃᓴᖅᓯᐅᕈᑎᖃᕐᓂᐊᕐᓗᑎᒃ ᐅᖃᐅᔾᔨᒋᐊᕈᑎᓂᒃ ᐊᒻᒪᓗ ᐃᒪᓐᓈᖅᑑᑎᓂᒃ ᐃᓱᒪᓕᐅᕆᓴᓱᐊᖅᑎᓪᓗᒋᑦ ᐊᒃᑐᐃᓂᐊᖅᑐᓄᑦ ᑕᕆᐅᒥᑦ ᐃᓂᐅᔪᓂᑦ.

ᑕᐅᑐᒐᕆᔭᐅᔪᖅ

ᐋᖅᑭᒃᓱᐃᕙᓪᓕᐊᓗᑎᒃ ᐅᖃᐅᓯᕐᓂᑦ ᑕᐃᑲᓂ ᓄᓇᕘᒥᑦ ᐊᖏᕈᑎᓂᑦ, ᐱᔾᔪᑕᐅᕙᓪᓕᐊᔪᑦ ᐋᖅᑭᒃᓱᖅᑕᑦ ᑖᒃᑯᓇᙵᑦ ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᓐᓂᑦ ᑕᐃᑲᓂ 2012 ᐊᒻᒪᓗ ᑕᐃᓐᓇ 2017 ᐸᕐᓇᐅᑎᓄᑦ ᐃᓕᓐᓂᐊᖅᓯᓐᓈᖅᖢᑎᒃ ᑲᑎᒪᓂᐅᓚᐅᖅᑐᖅ, ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦ ᐊᑐᓕᕐᓗᑎᒃ ᐅᑯᓂᖓ ᑕᐅᑐᖅᑰᖅᑕᐅᔪᓂᒃ ᐃᒻᒥᒧᑦ ᐊᑐᓂᐊᖅᑕᑦᑎᓐᓂᑦ 2018-2023 ᐊᑐᖅᑎᓪᓗᒍ:

“ᐱᓕᕆᓗᑎᒃ, ᐋᖅᑭᒃᓯᑦᑎᐊᕈᓐᓇᕐᓗᑎᒃ ᐊᒻᒪᓗ ᐅᒃᐱᕆᔭᐅᑦᑎᐊᕐᓗᑎᒃ ᓂᐱᒋᔭᐅᖁᓗᒋᑦ ᑕᕆᐅᕐᒥᐅᑕᓕᕆᓂᕐᒧᑦ ᐊᑲᐅᙱᓕᐅᕈᑎᓂ ᓄᓇᕗᒻᒥᐅᓄᑦ.”

ᑐᕌᒐᕆᔭᖅ

ᓄᓇᕗᑦ ᑕᕆᐅᕐᒥᐅᑕᓕᕆᓂᕐᒧᑦ ᑲᑎᒪᔨᑦ ᐊᑐᓕᕐᓂᐊᕐᒪᑕ ᑕᐅᑐᒐᕆᔭᒥᖕᓂᑦ ᐱᓕᕆᐊᖃᕐᓂᕐᒥᒍᑦ ᐱᖓᓱᓂᑦ (3) ᐱᓪᓗᐊᑕᕐᓂᑦ ᐱᓕᕆᔪᓯᕐᓂᑦ, ᐃᓚᒋᔭᐅᓗᓂ ᐱᓕᕆᐊᖑᓇᓱᐊᖅᑐᑦ:

ᖃᐅᔨᒪᓂᖅᓴᐅᓕᖅᑎᑦᑎᓂᖅ, ᐅᖃᐅᔨᒋᐊᖅᐸᒡᓗᓂ ᐊᒻᒪᓗ ᐱᓕᕆᐊᖃᕐᓗᓂ ᐊᔪᐃᓐᓇᕈᔾᔨᓂᕐᒥᑦ, ᑕᐃᒪᖓᓕᒪᖅ ᓴᐳᒻᒥᒃᓯᕈᑕᐅᓚᕆᖁᓪᓗᒋᑦ ᐊᒻᒪᓗ ᐊᑐᖅᑕᐅᑦᑎᐊᖁᓗᒋᑦ ᑕᕆᐅᕐᒥᐅᑕᓕᕆᓂᑦ ᐃᒪᖏᓐᓂ ᓄᓇᕗᒻᒥ ᓄᓇᓕᖃᕐᕕᐅᓕᖅᑐᓂ (NSA) ᑕᒪᒃᑯᓄᖓ ᐊᑯᓂ−ᑕᐅᕗᖓᑐᖃᒃ ᐱᕚᓪᓕᕈᑕᐅᖁᓗᒋᑦ ᐃᓄᖕᓂᑦ, ᐃᓄᖏᓐᓄᑦ ᓄᓇᕗᑦ ᐊᒻᒪᓗ ᐃᓄᖏᓐᓄᑦ ᑲᓇᑕᐅᑉ, ᒪᑯᓂᖓ ᒪᓕᑦᑎᐊᖅᓯᒪᓗᑎᒃ ᒪᓕᒃᑕᐅᔭᕆᐊᓕᖕᓂᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐊᒻᒪᓗ ᑎᑎᕋᒃᓯᒪᔪᑦ 15 ᓄᓇᕗᖅᑕᕈᑎᑦ ᐊᖏᖃᑎᒋᒍᑎᖏᓐᓂ (ᑕᕆᐅᕐᒥᐅᑕᓕᕆᓂᕐᒧᑦ ᐃᒪᖏᓐᓂ).

ᑮᓇᐅᔭᖅᑑᑏᑦ

ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦ, ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ, ᓄᓇᕗᒻᒥᑦ ᐸᕐᓇᐃᔩᑦ, ᓄᓇᕗᑦ ᐃᒪᓕᕆᔨᑦ ᑲᑎᒪᔨᑦ, ᐊᒻᒪᓗ ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦ ᓯᕗᓪᓕᖅᐹᒥᒃ ᑐᓂᔭᐅᕌᕐᔪᖃᑦᑕᓕᓚᐅᖅᑐᑦ ᑖᒃᑯᓄᙵᓪᓚᕆᒃ ᐊᕐᕌᒍᑕᒫᑦ ᑮᓇᐅᔭᖅᑑᑎᓂᒃ ᑕᐃᑲᓂ 2015-2016 ᑮᓇᐅᔭᓄᑦ ᐊᕐᕌᒎᕙᒃᑐᓄᑦ ᐱᓕᕆᐊᖏᓐᓂᑦ ᐱᓕᕆᓇᓱᐊᖅᑕᖏᓐᓄᑦ ᐃᑲᔪᖅᓯᕋᓱᐊᖅᖢᑎᒃ ᐊᑐᓕᖅᑎᑕᐅᓂᖏᑦ ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦᑕ ᐱᓕᕆᐊᖏᓐᓄᑦ. ᑖᓐᓇ ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᓐᓄᑦ ᑮᓇᐅᔭᖅᑑᑎ ᑐᓂᔭᐅᓯᒪᔪᑦ ᒐᕙᒪᖏᓐᓂᑦ ᑲᓇᑕᐅᑉ ᐊᑐᖅᖢᑎᒃ ᐊᑐᓕᖅᑎᑦᑎᔾᔪᑎᓂᒃ ᑕᐃᑲᙵᑦ ᓄᓇᕘᒥᑦ ᐊᖏᕈᒻᒥᑦ ᐊᒻᒪᓗ ᑐᓂᔭᐅᖃᖅᑕᖅᖢᓂ ᐊᔾᔨᒌᒃᑑᑕᐅᓪᓗᑎᒃ ᐅᓄᕐᓂᖏᑦ ᑖᒃᑯᓄᖓ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ, ᓄᓇᕗᒻᒥᑦ ᐸᕐᓇᐃᔩᑦ, ᓄᓇᕗᑦ ᐃᒪᓕᕆᔨᑦ ᑲᑎᒪᔨᑦ ᐊᒻᒪᓗ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ, ᓄᓇᕗᒻᒥᑦ ᐸᕐᓇᐃᔩᑦ, ᓄᓇᕗᑦ ᐃᒪᓕᕆᔨᑦ ᑲᑎᒪᔨᓐᓄᑦ ᐊᑐᖅᖢᑎᒃ ᐊᒻᒪᓗ ᓄᓇᕗᒻᒥᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓄᑦ ᐊᕐᕌᒍᑕᒫᑦ ᑮᓇᐅᔭᖃᖅᑎᑦᑎᓂᕐᒧᑦ ᐊᖏᕈᑎᓂᒃ. ᒫᓐᓇᐅᔪᒥ, ᐅᓇ ᑮᓇᐅᔭᖃᖅᑎᑕᐅᓂᐅᔪᖅ ᑭᒡᓕᖓ ᐋᖅᑭᒃᓯᒪᕗᖅ $25,000-ᒥ ᐊᑐᓂ, ᓇᓗᓇᐃᒃᑯᓯᖅᑕᐅᓯᒪᔪᒥ ᓱᓇᑐᐃᓐᓇᐃᑦ ᐊᑭᑦᑐᖅᐸᓪᓕᐊᓂᖏᓐᓄᑦ.

ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦ ᒫᓐᓇᐅᔪᒥ ᕿᓂᖅᐳᑦ ᐱᕈᒃᓴᖃᕐᓂᐅᔪᓂ ᐊᑐᐃᓐᓇᖃᕐᓂᕐᒥ ᑮᓇᐅᔭᖃᖅᑎᑕᐅᓂᐅᔪᓂ ᐃᑲᔪᖅᓱᐃᓂᐊᖅᑐᒥ ᐱᓕᕆᓂᖃᕐᓂᕐᒧᑦ ᖄᒃᑲᓐᓂᐊᒍᑦ ᐱᒋᐊᕈᑕᐅᔪᓂ.

ᐅᖃᐅᓯᖃᕐᓗᑎᒃ ᐱᓕᕆᖃᑎᒌᖕᓂᐅᑐᐃᓐᓇᕆᐊᖃᖅᑐᓂᒃ ᐱᓇᐅᓗᑕᕐᓄᑦ ᓇᓗᓇᐃᖅᑕᐅᓯᒪᔪᓂᒃ ᐸᕐᓇᐅᑎᓂᒃ, ᐅᖃᖃᑎᒋᑎᒍᑦ.