ᓄᓇᕘᒥ ᑕᕆᐅᓕᕆᔨᑦ ᑲᑎᒪᔨᖏᑦ (NMC) ᐃᓕᒃᑰᖓᙱᑦᑐᖅ, ᑭᓯᐊᓂᓕ ᖃᐅᔨᒪᔭᐅᔪᑦ ᓄᓇᕘᒥ ᐃᓄᖕᓄᑦ ᒐᕙᒪᒋᐅᔪᓄᑦ ᐊᐅᓚᑕᐅᔪᖅ ᑕᕆᐅᓕᕆᓂᕐᒨᖓᔪᑦ ᐅᖃᐅᓯᐅᖃᑦᑕᕈᓐᓇᖁᓪᓗᒋᑦ ᓯᐊᒃᓯᒪᓂᖅᓴᐅᓪᓗᑎᒃ ᐊᑕᐅᓯᑐᐃᓐᓇᐅᑉ ᐱᓇᓱᐊᒐᒃᓴᖏᑦ ᑲᑐᔾᔨᖃᑎᒌᒡᕕᐅᔫᑉ ᐱᓕᕆᐊᕆᔭᖏᓐᓂᐅᖓᓂᒃ. ᐃᓚᒋᔭᖓ ᐊᑦᑕᑎᓯᒪᐅᖅᑐᑦ ᐱᓕᕆᔾᔪᑕᐅᓂᐊᖅᑐᓂᒃ ᐊᐅᓚᑦᓯᔾᔪᑏᑦ ᐋᖅᑭᒃᑕᐅᓯᒪᔪᑦ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᑦ, ᑕᕆᐅᓕᕆᔨᑦ ᐱᓇᓱᐊᒐᕆᔭᖏᑦ ᓯᕗᒻᒧᐊᒃᓯᒪᕙᕇᖅᑐᑦ ᐱᓕᕆᐊᖃᑎᒌᖕᓂᒃᑯᑦ ᐱᓕᕆᐊᖃᑎᒌᑦᓯᐊᕐᓂᒃᑯᓪᓗ ᑲᑐᔾᔨᖃᑎᒌᒋᔭᐅᔪᓄᑦ ᐃᖅᑲᓇᐃᔭᖅᑎᖏᓐᓄᓪᓗ ᓄᓇᕘᒥ ᐆᒪᔪᓕᕆᔨᕐᔪᐊᒃᑯᓐᓄᑦ, ᓄᓇᕘᒥ ᐸᕐᓇᐃᔩᒃᑯᑎᒎᓇᓗ, ᓄᓇᕘᒥ ᐊᕙᑎᓕᕆᔨᒃᑯᑎᒎᓇᓗ ᐊᒻᒪᓗ ᓄᓇᕘᒥ ᐃᒪᓕᕆᔨᒃᑯᑎᒎᓇᓗ.
ᐃᓕᑦᑎᒃᑲᓐᓂᕈᒪᒍᕕᑦ ᑭᒃᑰᒃᒪᖔᑦᑕ ᒥᒃᓵᓄᑦ
ᓄᓇᕘᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᐆᒪᔪᓕᕆᓂᕐᒥᑦ ᑲᒪᔨᐅᓪᓚᕆᒃᑐᑦ ᐊᒻᒪᓗ ᐅᐊᑦᓯᔨᓪᓚᕆᐅᓪᓗᑎᓪᓗ ᐆᒪᔪᖅᑕᖃᖅᑐᓄᙵᐅᔪᒪᔾᔪᑎᓄᑦ ᓄᓇᕗᑦ ᓇᓗᓇᐃᖅᑕᐅᓯᒪᓂᖓᓃᑦᑐᓂᒃ. ᓄᓇᕘᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᐅᖃᐅᓯᒃᑯᑦ ᐃᑲᔪᖃᑕᐅᔪᓐᓇᕐᕕ-ᖃᖅᑎᑕᐅᓯᒪᖕᒥᔪᑦ ᑕᕆᐅᓕᕆᓂᕐᒨᖓᔪᓄᑦ ᔪᓐ I ᐊᒻᒪᓗ ᔪᓐ II-ᒥᓗ ᐊᑭᐊᓃᑦᑐᓂᒡᓗ ᑕᕆᐅᒥ. ᔪᓐ I-ᒥᑦᑐᑦ 61 ᑕᒍᒋᔅ ᐅᐊᖕᓇᖓᓐᓂ ᑲᓇᑕᐅᑉ ᑕᕆᐅᖁᑕᐃᓃᑦᑐᑦ ᓄᓇᕗᒥ ᑕᕆᐅᑉ ᑭᒡᓕᓕᖅᑐᕐᕕᐅᓂᖓᓃᖏᑦᑐᑦ, ᐊᓯᖏᓐᓄᓪᓘᓐᓃᑦ ᓄᓇᑖᕐᕕᐅᓯᒪᔪᓅᓪᓘᓐᓃᑦ ᔪᓐ II-ᒦᑦᑐᑦ ᔭᐃᒻᒥᔅ ᐸᐃᒦᑦᑐᑦ, ᑕᓯᐅᔭᕐᔪᐊᕐᒦᑦᑐᓪᓗ ᐊᒻᒪᓗ ᓄᓇᕕᐅᑉ ᕿᑭᖅᑖᓘᓪᓗ ᐃᑭᖓ ᓄᓇᕗᑦ ᓇᓗᓇᐃᖅᑕᐅᓯᒪᓂᖓᓃᖏᑦᑑᒃ ᐊᓯᖏᓐᓄᓪᓘᓐᓃᑦ ᓄᓇᑖᕐᕕᐅᓯᒪᔪᓅᓪᓘᓐᓃᑦ. ᑕᐅᑦᑐᒐᖃᖅᑐᑦ ᐆᒪᔪᓗᐊᖅᑕᐃᓕᒪᔭᕆᐊᖃᕐᓂᕐᒥᑦ ᐃᓄᐃᑦ ᖃᐅᔨᒪᔭᑐᖃᖓᑦᑎᒍᑦ ᑭᓱᑐᐃᓐᓇᐃᓪᓗ ᖃᐅᔨᓴᖅᑕᐅᖃᑦᑕᕐᓂᖏᑦᑎᒍᓪᓗ.
ᓄᓇᕘᒥ ᐸᕐᓇᐃᔩᑦ ᐱᒻᒪᕆᐅᔪᒥᑦ ᐱᓇᓱᐊᒐᖃᖅᑎᑕᐅᓯᒪᕗᑦ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᒃᑯᑦ ᐸᕐᓇᐅᓯᐅᕆᐊᓖᑦ ᐊᑐᓕᖅᑎᑦᓯᔭᕆᐊᖃᖅᓱᑎᒡᓗ ᓄᓇᐅᑉ ᐊᑐᖅᑕᐅᓂᖓᓐᓄᑦ ᕐᓇᐅᑎᓃᑦᑐᓂᒃ ᑐᑭᒧᐊᒍᑎᓂᒃ ᓄᓇᒥᐅᑕᐃᑦ ᐊᑐᖅᑕᐅᓂᐊᕐᓂᖓᓄᑦ ᐱᕙᓪᓕᐊᕕᐅᓂᐊᕐᓂᖓᓄᓪᓗ. ᓄᓇᕘᒥ ᐸᕐᓇᐃᔩᑦ ᒐᕙᒪᓂᒃ ᐃᓄᐃᓪᓗ ᑲᑐᔾᔨᖃᑎᒌᖏᓐᓂᒡᓗ ᐊᓯᖏᓐᓂᒡᓗ ᑐᓴᐅᒪᑎᑦᓯᒃᑲᐃᖃᑦᑕᖅᑐᓪᓗ ᑭᖑᓪᓕᖅᐹᖑᓪᓗᑎᒃ ᐃᓱᒪᒃᓴᖅᓯᐅᖅᑎᐅᖑᔪᑦ ᓄᓇᐅᑉ ᐱᓕᕆᐊᕆᕝᕕᐅᓂᐊᕐᓂᖓᓂᒃ ᖃᓄᕐᓗ ᐊᐅᓚᑕᐅᓂᐊᕐᓂᖏᓐᓂᒡᓗ ᓄᓇᒥ ᐸᕐᓇᐅᑏᑦ.
ᓄᓇᕘᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᓄᓇᕘᒥ ᐊᕙᑎᒥᐅᑕᓃᑦᑐᓂᒃ ᓇᓗᓇᐃᔭᐃᔩᑦ ᖃᐅᔨᓴᖅᑎᒋᔭᐅᔪᑦ, ᐊᒃᑐᖅᑕᐅᓯᒪᖃᓯᐅᔾᔭᐅᑐᐃᓐᓇᕆᐊᖃᖅᑐᓂᒃ ᑐᒃᓯᖅᑑᑎᒃᑯᑦ ᐱᓕᕆᐊᕆᔭᐅᔪᒪᔪᖅᑕᖃᖅᑎᓪᓗᒍ ᐱᔪᖕᓇᐅᑎᑖᖅᑎᑕᐅᓂᐊᓵᖅᑎᓪᓗᒋᑦ, ᓚᐃᓴᓐᓯᑖᖅᑎᑕᐅᓂᐊᓵᖅᑎᓪᓗᒋᑦ ᐊᖏᖅᑕᐅᓂᐊᓵᖅᑎᓪᓗᒋᓪᓗ. ᐃᑦᓯᖅᑐᐃᖃᑦᑕᕐᒃᒥᔪᑦ ᐱᓕᕆᐊᕆᔭᐅᔪᓂᒃ, ᐊ>ᕙᑎᓕᕆᔨᒃᑯᑦ ᒪᓕᒃᑕᐅᔪᕐᒃᓴᓂᐊᕕᓂᖏᓐᓂᒃ ᒪᓕᒋᐊᖃᕋᔭᖅᑐᑦ ᐱᓕᕆᐊᖃᖅᑐᑦ ᓇᓗᓇᐃᒃᑯᑕᖅᑖᕈᑎᕕᓂᖏᓐᓂᑦᑐᓂᒃ. ᓴᐳᒻᒥᒃᓰᔭᕆᐊᖃᕐᐸᖕᒥᔪᑦ ᐊᕙᑎᒥᐅᑕᐃᓪᓗ ᓄᓇᕘᒥᐅᓪᓗ ᐃᓅᓯᖃᑦᓯᐊᕈᓐᓇᖁᓪᓗᒋᑦ ᐊᕙᑎᒥᐅᑕᓃᑦᑐᑦ ᐊᒃᑐᖅᑕᐅᓯᒪᖃᓯᐅᔾᔭᐅᓂᐊᓵᖅᑎᓪᓗᒍ ᓇᓗᓇᐃᖅᑐᐃᓂᒃᑯᑦ.
ᓄᓇᕘᒥ ᐃᒪᓕᕆᔨᒃᑯᑦ ᐃᓕᒃᑰᖓᔪᖅ ᐃᓄᖕᓄᑦ ᒐᕙᒪᖃᕐᕕᐅᒋᓪᓗᓂ ᐊᓯᖏᓐᓂᒃ ᐃᓄᖕᓄᑦ ᒐᕙᒪᖃᕐᕕᒋᔭᐅᔪᓂᒃ ᐊᐅᓚᑦᓯᖃᑕᐅᖃᑦᑕᖅᑐᑦ ᐊᓯᖏᓐᓂᒃ ᑐᓴᐅᒪᑎᑦᓯᒃᑲᐃᖏᓐᓇᖅᓱᑎᒃ ᐊᒻᒪᓗ ᓄᓇᕗᙵ ᐃᒪᐃᑦ ᐊᒻᒪᓗ ᓄᓇᒧᑦ ᐱᔪᓐᓇᐅᑎᓕᕆᔩᓪᓗ ᒪᓕᒐᖓᑦᑎᒍᑦ ᐱᖁᔭᓕᕆᓂᐊᕐᓂᖅᒥᑦ, ᐊᐅᓚᑦᓯᓂᐊᕐᓂᕐᒥᑦ ᐊᒻᒪᓗ ᖃᐅᔨᒋᐊᖃᑦᑕᕆᐊᖃᖅᓱᑎᒡᓗ ᐃᒪᐃᑦ ᓄᓇᒦᑦᑐᓂᒃ ᓄᓇᕘᒥ ᑐᓂᔭᐅᔪᖅᑕᖃᕌᖓᑦ ᓚᐃᓴᓐᔅᓯᑖᕈᑎᒃᓴᓂᒃ. ᐃᒪᓕᕆᔨᒃᑯᑦ ᐱᓇᓱᐊᒐᕆᔭᖓᑦ ᐊᑐᓗᐊᑦᑕᐃᓕᒪᑎᑦᓯᓂᕐᒥᑦ ᐊᑐᑦᓯᐊᕐᓂᕐᒥᒡᓗ ᓄᓇᕘᒥ ᐃᒪᕐᒥᒃ – ᑭᓯᐊᓂ ᑲᓇᑕᐅᑉ ᒥᙳᐃᖅᓯᕐᕕᖁᑎᖏᓐᓃᑦᑐᓂᒃ – ᐃᑲᔫᑕᐅᑦᓯᐊᕈᓐᓇᖁᓪᓗᒋᑦ ᓄᓇᕘᒥᐅᓄᑦ ᐱᓗᐊᖅᑐᒥᒃ -ᐃᓱᒪᒋᓪᓗᒋᑦ ᑲᓇᑕᒥᐅᑕᐃᑦ.
ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦ (NMC) ᐅᖓᕙᕆᐊᕐᓂᐅᕗᖅ ᑲᑐᔾᔭᐅᔪᒥ ᒪᓕᒐᐅᔪᓂᒃ ᐱᓕᕆᓂᐅᔪᒥ ᓴᖅᑭᑎᑕᐅᓯᒪᔪᒥ ᐅᕘᓇ ᓄᓇᕗᒻᒥ ᐊᖏᕈᑕᐅᔪᒥ, ᐱᔪᓐᓇᖅᑎᑦᑎᓯᒪᕗᖅ ᓄᓇᕗᒻᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓂᒃ (NWMB), ᓄᓇᕗᒻᒥ ᐸᕐᓇᐃᔨᓂᒃ (NPC), ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓂᒃ (NIRB) ᐊᒻᒪ ᓄᓇᕗᒻᒥ ᐃᒪᓕᕆᔨᑦ ᑲᑎᒪᔨᖏᓐᓂᒃ (NWB) ᐊᐅᓚᑦᑎᓂᖃᕐᓂᕐᒧᑦ ᐊᑲᐅᙱᓕᐅᕈᑕᐅᔪᓂᑦ ᐊᒃᑐᐃᕙᒃᑐᓄᑦ ᑕᕆᐅᕐᒥ ᐃᓂᐅᔪᓄᑦ ᓄᓇᕗᒻᒥ ᐊᖏᖃᑎᒌᒍᑎᑖᒧᑦ ᓄᓇᖁᑎᒋᔭᐅᔪᓄᑦ. ᓇᐃᑦᑐᒥ ᐅᓂᒃᑳᕐᓂᕐᒥ ᐊᑐᓂ ᑲᑐᔾᔨᖃᑎᒌᖑᔪᓄᑦ, ᖁᓛᒎᕐᓗᑎᑦ ᓇᕿᑦᑕᕆᐊᓕᖕᓂ ᖁᓛᓂ.
ᖃᓄᐃᒻᒪ? ᑖᒃᑯᐊ ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦ ᑭᒃᑯᓕᒫᓂᒃ ᐅᔾᓕᕈᓱᖁᔨᔪᑦ ᐃᓚᐅᑎᑦᑎᓇᓱᐊᕐᓂᖏᓐᓂᒃ ᑕᕆᐅᒥᑦ ᐱᓇᐃᓗᑕᕐᓄᑦ. ᓂᕈᐊᕈᓐᓇᖅᑐᓯ ᐃᓚᐅᔪᒪᓗᓯ ᐊᒻᒪᓗ ᑐᓂᓯᓗᓯ ᐊᐱᖅᑯᑎᔅᓯᓐᓂᒃ, ᐅᖃᐅᓯᒃᓴᔅᓯᓐᓂᒃ ᐊᒻᒪᓗ ᐅᖃᐅᔾᔨᒋᐊᕈᑎᔅᓯᓐᓂᒃ ᑕᒪᒃᑯᓄᖓ ᑕᕆᐅᒧᑦ ᐱᓕᕆᐊᖑᓇᓱᐊᖅᑐᓄᑦ, ᐃᑲᔪᕈᓐᓇᖅᑐᓯ ᓴᐳᔾᔭᐅᓇᓱᐊᕐᓂᖓᓂᒃ ᐊᒻᒪᓗ ᐱᔪᒥᓴᐃᔾᔪᑎᓂᒃ ᓄᓇᕘᒥᑦ ᑕᕆᐅᑉ ᐃᓂᖏᓐᓂᒃ.
ᖃᐅᔨᒃᑲᓐᓂᕈᒪᒍᕕᑦ
ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦ (NMC) ᐊᑐᓕᕐᓂᐊᕐᒪᑕ ᑕᐅᑐᒐᕆᔭᒥᖕᓂᑦ ᐱᓕᕆᐊᖃᕐᓂᕐᒥᒍᑦ ᐱᖓᓱᓂᑦ ᐱᓪᓗᐊᑕᕐᓂᑦ ᐱᓕᕆᔪᓯᕐᓂᑦ, ᐃᓚᒋᔭᐅᓗᓂ ᐱᓕᕆᐊᖑᓇᓱᐊᖅᑐᑦ:
ᖃᐅᔨᒪᓂᖅᓴᐅᓕᖅᑎᑦᑎᓂᖅ, ᐅᖃᐅᔨᒋᐊᖅᐸᒡᓗᓂ ᐊᒻᒪᓗ ᐱᓕᕆᐊᖃᕐᓗᓂ ᐊᔪᐃᓐᓇᕈᔾᔨᓂᕐᒥᑦ, ᑕᐃᒪᖓᓕᒪᖅ ᓴᐳᒻᒥᒃᓯᕈᑕᐅᓚᕆᖁᓪᓗᒋᑦ ᐊᒻᒪᓗ ᐊᑐᖅᑕᐅᑦᑎᐊᖁᓗᒋᑦ ᑕᕆᐅᕐᒥᐅᑕᓕᕆᓂᑦ ᐃᒪᖏᓐᓂ ᓄᓇᕗᒻᒥ ᓄᓇᓕᖃᕐᕕᐅᓕᖅᑐᓂ (NSA) ᑕᒪᒃᑯᓄᖓ ᐊᑯᓂ−ᑕᐅᕗᖓᑐᖃᒃ ᐱᕚᓪᓕᕈᑕᐅᖁᓗᒋᑦ ᐃᓄᖕᓂᑦ, ᐃᓄᖏᓐᓄᑦ ᓄᓇᕗᑦ ᐊᒻᒪᓗ ᐃᓄᖏᓐᓄᑦ ᑲᓇᑕᐅᑉ, ᒪᑯᓂᖓ ᒪᓕᑦᑎᐊᖅᓯᒪᓗᑎᒃ ᒪᓕᒃᑕᐅᔭᕆᐊᓕᖕᓂᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐊᒻᒪᓗ ᑎᑎᕋᒃᓯᒪᔪᑦ 15 ᓄᓇᕗᖅᑕᕈᑎᑦ ᐊᖏᖃᑎᒋᒍᑎᖏᓐᓂ (ᑕᕆᐅᕐᒥᐅᑕᓕᕆᓂᕐᒧᑦ ᐃᒪᖏᓐᓂ).
ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦ ᐅᔾᔨᕈᓱᒋᐊᓪᓚᖁᔨᔪᑦ ᑭᒃᑯᓕᒫᓂᒃ ᑖᒃᑯᐊ ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦᑕ ᐊᒻᒪᓗ ᑕᕆᐅᒥᑦ ᐱᓇᐃᓗᑕᐃᑦ ᐅᔾᔨᕈᓱᒋᐊᓪᓚᖁᓪᓗᒋᑦ ᑭᓱᑦ ᑕᕆᐅᒥᑦ ᐱᓇᐃᓗᑕᐅᖕᒪᖔᑕ ᐊᒃᑐᐃᓛᖑᔪᑦ ᐃᓄᖕᓂᒃ, ᓄᓇᕘᒥᐅᓂᒃ ᐊᒻᒪᓗ ᑲᓇᑕᒥᐅᓂᒃ ᑐᑭᓯᖁᓪᓗᒋᑦ ᐱᓕᕆᐊᕆᓇᓱᐊᖅᑕᖏᓐᓂᒃ ᐊᑐᐃᓐᓇᕆᐅᓇᓱᐊᖅᑎᓪᓗᒋᑦ ᐊᑐᐊᒐᕐᓄᑦ ᐅᖃᐅᔾᔨᒋᐊᕈᑎᓂᒃ ᐊᒻᒪᓗ ᐱᓕᕆᐊᖃᕋᓱᐊᖅᑎᓪᓗᒋᑦ ᑭᒃᑯᓕᒫᓄᑦ ᐃᑲᔪᖅᓯᖅᑕᐅᓗᑎᒃ ᓂᓪᓕᐊᔾᔪᑎᒋᓇᓱᐊᖅᑕᒥᖕᓄᑦ.
ᐊᑐᖅᖢᑎᒃ ᓄᓇᕘᒥᑦ ᐊᖏᕈᑎᓂᒃ, ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᓐᓄᑦ ᐃᓚᒋᔭᐅᔪᑦ ᐱᓕᕆᖃᑎᖃᑐᐃᓐᓇᕆᐊᓖᑦ, ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᐅᓗᑎᒃ, ᐅᕝᕙᓘᓐᓃᑦ ᐊᒥᓱᒐᓚᐅᓗᑎᒃ ᐅᖃᐅᔾᔨᒋᐊᖅᑎᐅᓗᑎᒃ ᐊᒻᒪᓗ ᐃᒪᓐᓈᖅᑑᑎᓂᒃ ᐊᓯᖏᓐᓄᑦ ᒐᕙᒪᒃᑯᑦ ᑎᒥᖁᑎᖏᓐᓄᑦ ᐱᔾᔪᑎᖃᕐᓗᑎᒃ ᑕᕆᐅᑉ ᐃᓂᖏᓐᓂᒃ, ᐊᒻᒪᓗ ᒐᕙᒪᒃᑯᑦ ᐃᓱᒪᒃᓴᖅᓯᐅᕈᑎᒋᕙᒡᓗᓂᒋᑦ ᑕᒪᒃᑯᐊ ᐅᖃᐅᔾᔨᒋᐊᕈᑏᑦ ᐊᒻᒪ ᐃᒪᓐᓈᖅᑑᑏᑦ ᐃᓱᒪᓕᐅᕋᓱᐊᖅᑎᓪᓗᒋᑦ ᐊᒃᑐᐃᕙᒃᑐᓄᑦ ᑕᕆᐅᑉ ᐃᓂᖏᓐᓂᒃ.
ᐱᓕᕆᐊᕆᕙᓪᓕᐊᓪᓗᓂᔾᔪᒃ ᐊᒃᑐᐊᔪᑦ ᑕᒪᒃᑯᓄᖓ ᐅᔾᔨᕈᓱᓕᕐᓂᕐᒧᑦ ᐊᒻᒪᓗ ᐅᖃᐅᔾᔨᒋᐊᕈᑎᓄᑦ, ᑖᒃᑯᐊ ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦ ᐃᓛᓐᓂᒃᑯᑦ ᐱᓕᕆᖃᑦᑕᕐᓂᐊᖅᑐᑦ ᑭᒃᑯᓕᒫᓄᑦ ᐃᑲᔪᖅᓯᖅᑕᐅᓗᑎᒃ ᓂᓪᓕᐊᔾᔪᑎᒋᓇᓱᐊᖅᑕᒥᖕᓄᑦ ᐊᑕᖏᖅᓯᒪᓂᖅᓴᐅᖁᓪᓗᒋᑦ ᐊᒻᒪᓗ ᐊᑐᓗᐊᙱᓐᓂᒃᑯᑦ ᐊᑐᕋᓱᐊᕐᓗᑎᒃ ᑕᕆᐅᒧᑦ ᐊᑐᐊᒐᕐᓄᑦ. ᐱᔾᔪᑕᐅᓪᓗᓂ ᓱᒃᑲᓕᔪᒥᒃ ᐊᓯᔾᔨᖅᐸᓪᓕᐊᓂᖏᓐᓄᑦ ᐅᑭᐅᖅᑕᖅᑑᑉ ᑕᕆᐅᖓᑕ ᐊᕙᑎᖓᓂᑦ, ᐃᒪᐃᑐᐃᓐᓇᕆᐊᓕᒃ ᑖᒃᑯᐊ ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦ ᖃᐃᖁᔭᐅᑦᑕᕐᓂᖅᓴᐅᓕᕐᓗᑎᒃ ᑭᒃᑯᓕᒫᓄᑦ ᐃᑲᔪᖅᓯᖅᑕᐅᓗᑎᒃ ᓂᓪᓕᐊᔾᔪᑎᒋᓇᓱᐊᖅᑕᒥᖕᓄᑦ ᐱᓕᕆᔾᔪᔾᔨᓗᑎᒃ ᐃᓄᖕᓂᒃ, ᓄᓇᕘᒥᐅᓂᒃ ᐊᒻᒪᓗ ᑲᓇᑕᒥᐅᓂᒃ ᑕᒪᑐᒧᖓ ᑕᕆᐅᒧᑦ ᐊᑐᐊᒐᕐᓄᑦ ᐱᓇᐃᓗᑕᓄᑦ.
ᑐᒃᓯᕋᐅᑎᓂᒃ ᐱᔪᒪᔾᔪᑏᑦ ᐱᒋᐊᖅᑕᐅᔪᒪᔪᑦ: ᐱᓕᕆᐊᕆᔭᕐᓂᖅᓯᑎᑦᑎᓗᓂ ᓄᓇᕗᑦ ᑕᕆᐅᕐᒥᐅᑕᓕᕆᓂᕐᒧᑦ ᑲᑎᒪᔨᒃᑯᓐᓂᑦ ᐱᓕᕆᔪᑎᒃᓴᓕᐊᕆᓯᒪᔪᖅ ᐸᕐᓇᖕᓂᕐᒧᑦ ᑲᑎᒪᓯᓐᓇᕈᑎᒥᒃ ᑐᒃᓯᕋᐅᑏᑦ ᐱᔭᐅᑲᑕᖕᓂᐊᖅᑐᑦ ᑭᓯᐊᓂ ᐅᓇᐅᓕᕈᓂ: ᐅᒃᑐᐱᕆ 11, 2024
ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦ ᑐᓂᓯᓯᒪᓕᖅᑐᑦ ᐅᖃᐅᓯᒃᓴᖏᓐᓂᒃ ᑐᖑᔪᖅᑐᒧᑦ ᑮᓇᐅᔭᓕᐅᕐᓂᕐᒧᑦ ᐃᓚᐅᑎᑦᑎᓂᕐᒧᑦ ᐸᐃᑉᐹᒧᑦ. ᑎᑎᖅᑲᖅ ᑖᒃᑯᓄᖓ ᒥᓂᔅᑕᒧᑦ ᐃᖃᓗᓕᕆᔨᒃᑯᓐᓄᑦ ᐃᒪᕐᒥᐅᑕᓕᕆᔨᒃᑯᓐᓄᓪᓗ ᐊᒻᒪᓗ ᑲᓇᑕᒥᑦ ᐊᒻᒪᓗᑦᑕᐅᖅ ᐃᖏᕐᕋᔪᓕᕆᔨᒃᑯᓐᓄᑦ ᖃᐅᔨᓴᖅᑏᑦ ᐃᒪᕐᒥᐅᑕᓄᑦ ᐊᑐᐃᓐᓇᐅᒋᕗᑦ ᐅᕘᓇ ᐃᓗᐊᓂᑦ (Documents) ᑎᑎᖅᑲᖁᑎᓂᑦ ᓇᓗᓇᐃᒃᑯᑕᖓᓐᓂ.
ᑖᓐᓇ ᑕᓪᓕᒪᖓᑦ ᓄᓇᕐᔪᐊᒥᑦ ᐃᒪᕐᒥᐅᑕᓂᒃ ᓴᐳᔾᔭᐅᓯᒪᓂᐅᔪᓂ ᐃᓂᐅᔪᓂᑦ ᑲᑎᒪᓂᕐᔪᐊᖅ (IMPAC5) ᕿᓂᖅᑐᑦ ᐱᐅᔪᓂᒃ ᑐᒃᓯᕋᐅᑎᓂᒃ ᑐᓂᔭᐅᔪᒪᓪᓗᑎᒃ ᑖᒃᑯᓇᙵᑦ ᐊᔾᔨᒌᙱᑦᑐᓂᒃ ᑕᕆᐅᕐᒥᐅᑕᓂᒃ ᓴᐳᔾᔭᐅᓯᒪᔪᓂᒃ ᐱᓂᕆᔨᓂᑦ, ᑎᒍᒥᐊᖅᑎᐅᖃᑕᐅᔪᓂᒃ, ᐱᓕᕆᕝᕕᖕᓂᒃ, ᒐᕙᒪᒃᑯᓐᓂᑦ ᐊᒻᒪ ᑲᑐᔾᔨᖃᑎᒌᓂᑦ, ᓄᓇᖃᖅᑳᖅᓯᒪᔪᓂᒃ ᐃᓄᖕᓂᒃ, ᐃᓄᖕᓂᒃ ᐊᒻᒪ ᒪᒃᑯᒃᑐᓂᒃ ᐱᓕᕆᔨᒻᒪᕆᖕᓂᒃ.
ᑖᓐᓇ 12-ᒋᓕᖅᑕᖓᓂᑦ ᒥᓂᔅᑕᑦ ᑲᑎᒪᑎᓪᓗᒋᑦ ᐅᑭᐅᖅᑕᖅᑐᒥᑦ ᑲᑎᒪᔨᕐᔪᐊᑦ ᓇᓗᓇᐃᖅᓯᓚᐅᖅᑐᖅ ᐃᓱᓕᓐᓂᖓᓂᒃ ᒪᕐᕉᖕᓄᑦ−ᐊᕐᕌᒎᖕᓄᑦ ᐊᐃᔅᓛᓐᒥᑦ ᐃᒃᓯᕙᐅᑕᐅᑉ ᐃᓱᓕᓐᓂᖓᓂᒃ. ᐱᕕᖃᖅᑎᑦᑎᓚᐅᖅᑐᑦ ᕿᒥᕐᕈᔪᓐᓇᖅᖢᑎᒃ ᐊᒻᒪᓗ ᓈᒻᒪᒃᓴᕈᓐᓇᖅᖢᑎᒃ ᑲᑎᒪᔨᕐᔪᐊᑦ ᐱᓕᕆᓂᖏᓐᓂᒃ ᐊᒻᒪᓗ ᐱᐊᓂᒃᑕᖏᓐᓂᒃ ᐊᑐᖅᑕᐅᑎᓪᓗᒍ ᐊᐃᔅᓛᓐᒥᑦ ᐃᒃᓯᕙᐅᑕᖃᕐᓂᕐᒥᒃ.
ᐊᑎᓕᐅᖃᑕᐅᓯᒪᓗᑎᑦ ᐱᖃᑕᐅᔪᓐᓇᕐᓂᕐᒧᑦ ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦᑕ ᓄᑖᙳᕆᐊᕈᑎᖏᓐᓂᒃ
