ᐱᕙᓪᓕᐊᔪᑦ: 2020
ᑐᓴᒐᒃᓴᖅ
ᓄᓇᕗᑦᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ, ᓄᓇᕗᑦᒥ ᐸᕐᓇᐃᔩᑦ, ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐊᒻᒪᓗ ᓄᓇᕗᑦ ᐃᒪᓕᕆᔨᑦ ᑲᑎᒪᔨᑦ ᖁᕕᐊᓱᒃᐳᑦ ᓂᕈᐊᓚᐅᕐᓂᖏᓐᓂᑦ ᑳᓖᓐ ᐹᑯᒥᑦ ᐊᑐᐊᒐᕐᓂᒃ ᖃᐅᔨᓴᕐᑎᐅᓂᐊᕐᓗᓂ ᐅᑯᓄᖓ ᓄᓇᕘᒥ ᑕᕆᐅᓕᕆᔨᑦ ᑲᑎᒪᔨᖏᑦ (NMC).
ᑲᓇᑕᐅᑉ ᒐᕙᒪᖓ ᐃᒪᕕᖕᒥ ᓴᐳᒻᒥᒃᓯᓂᕐᒧᑦ ᐸᕐᓇᒍᑎ ᐅᓂᒃᑳᓕᐊᖑᓂᖓ ᑲᓇᑕᒥ ᐅᖃᓕᒫᒐᓕᐊᖑᔪᖅ
ᐊᑐᓚᐅᖅᑐᓂ ᐱᖓᓱᓂ ᐊᕐᕌᒍᓂ, ᑲᓇᑕᒥ ᒐᕙᒪᒃᑯᑦ ᐃᖃᓇᐃᔭᖃᑎᖃᒃᓯᒪᓕᕐᒪᑕ ᑲᓇᑕᒥᐅᑕᕐᓂᑦ ᐊᒻᒪᓗ ᓄᓇᖃᖅᑳᒃᓯᒪᔪᑦ ᐃᓅᖃᑎᒌᖕᓂᑦ ᒪᑯᑎᒎᓇ $1.5 ᐱᓕᐊᓐ ᐃᒪᕕᖕᓂᑦ ᓴᐳᒻᒥᒃᓯᓂᕐᒧᑦ ᐸᕐᓇᒍᑎ (OPP) ᓴᐳᒻᒥᔭᐅᖁᓪᓗᒋᑦ ᓯᒡᔭᐃᑦ ᐊᒻᒪᓗ ᐃᒪᒃᑰᕐᕕᐅᕙᒃᑐᑦ ᐅᓪᓗᒥ ᐊᒻᒪᓗ ᓯᕗᓂᒃᓴᑦᑎᓐᓂ ᑭᖑᕚᕆᓂᐋᖅᑕᑦᑎᓐᓄᑦ, ᐱᕈᒃᑎᑉᐸᓪᓕᐋᓗᒍ ᒪᑭᒪᓇᓱᐋᕈᑎ.
ᓄᑖᙳᕆᐊᕈᒡᑎᑦ ᒐᕙᒪᑐᖃᒃᑯᑦ ᓱᕋᐃᔭᐃᓗᐊᖅᑕᐃᓕᒪᓂᕐᒧᑦ ᐸᕐᓇᐅᑎᖏᓐᓄᑦ
ᒐᕙᒪᖏᑦ ᑲᓇᑕᐅᑉ ᓴᖅᑮᓯᒪᓕᖅᑐᑦ ᓯᕗᓪᓕᖅᐹᒥᒃ ᓄᑖᖑᕆᐊᖅᓯᒪᔪᓂᒃ ᖃᕆᑕᐅᔭᒃᑯᑦ ᐃᑭᐊᖅᑭᖕᕕᖓᓂᑦ ᑕᒪᑐᒧᖓ 2019-2022 ᓄᑖᙳᕆᐊᕈᒡᑎᑦ ᒐᕙᒪᑐᖃᒃᑯᑦ ᓱᕋᐃᔭᐃᓗᐊᖅᑕᐃᓕᒪᓂᕐᒧᑦ ᐸᕐᓇᐅᑎᖏᓐᓄᑦ (FSDS), ᑎᑎᕋᖅᓯᒪᓪᓗᑎᒃ ᐱᕙᓪᓕᐊᓂᖏᑦ ᑕᒪᑐᒧᖓ ᓄᑖᙳᕆᐊᕈᒡᑎᑦ ᒐᕙᒪᑐᖃᒃᑯᑦ ᓱᕋᐃᔭᐃᓗᐊᖅᑕᐃᓕᒪᓂᕐᒧᑦ ᐸᕐᓇᐅᑎᖏᓐᓄᑦ ᑐᕌᒐᕆᔭᐅᔪᓂᒃ.
ᐸᕐᓇᒃᑕᐅᓯᒪᔪᑦ ᖃᐅᔨᓴᕈᑏᑦ ᓯᓚ ᐊᓯᔾᔨᖅᐸᓕᐊᓂᖓᓄᑦ ᓴᖅᑭᑕᐅᔪᑦ
ᐸᕐᓇᒃᑕᐅᓯᒪᔪᑦ ᖃᐅᔨᓴᕈᑏᑦ ᓯᓚ ᐊᓯᔾᔨᖅᐸᓕᐊᓂᖓᓄᑦ (SACC) ᓴᖅᑭᑕᐅᓚᐅᖅᓯᒪᔪᖅ ᑕᐃᑲᓂ ᔪᓚᐃ 16, 2020.
ᒐᕙᒪᖏᑦ ᑲᓇᑕᐅᖅ ᐃᓚᐅᓕᖅᓯᒪᔪᑦ ᓄᓇᕐᔪᐊᒥᑦ ᑕᕆᐅᕐᒧᑦ ᐱᓕᕆᖃᑎᒌᓄᑦ ᑎᑭᖁᓪᓗᒍᑦ 30% ᐃᒪᕐᒥᐅᑕᓂᒃ ᓴᐳᔾᔨᓯᒪᓂᐅᔪᖅ ᑎᑭᓚᐅᖅᑳᖅᑎᓪᓇᒍ 2030
ᒥᓂᔅᑕᐅᔪᖅ ᐃᖃᓗᓕᕆᓂᕐᒧᑦ, ᑕᕆᐅᒧᑦ ᐊᒻᒪᓗ ᑲᓇᑕᒥᑦ ᖃᐅᔨᓴᖅᑏᑦ ᐃᒪᕐᒥᐅᑕᓄᑦ, ᐅᐱᓐᓇᖅᑐᖅ ᐴᓇᑕᑦ ᔪᐊᑕᓐ, ᐅᖃᓚᐅᖅᑐᖅ ᑲᓇᑕ ᐃᓚᐅᓕᕐᓂᖓᓂᒃ ᔫᓇᐃᑎᑦ ᑭᖕᑕᒻ ᐊᓯᖏᓐᓂᒡᓗ ᓄᓇᓕᐅᔪᓂᑦ ᑖᒃᑯᓇᓂ ᓄᓇᕐᔪᐊᒥᑦ ᑕᕆᐅᕐᒧᑦ ᐱᓕᕆᖃᑎᒌᓄᑦ.
ᑲᓇᑕᒥ ᐅᓯᑲᑦᑕᕐᓂᕐᒧᑦ ᓴᖅᑮᓚᐅᖅᑐᑦ ᐅᓪᓗᒥᒨᖓᔪᒥᒃ ᓄᕙᒡᔪᐊᕐᓇᖅ-19 (COVID-19) ᐱᓕᕆᐅᓯᖏᓐᓂᒃ ᐊᒃᑐᐊᔪᓄᑦ ᐳᓚᕋᖃᑦᑕᖅᑐᓄᑦ ᐅᒥᐊᕐᔪᐊᓄᑦ ᑲᓇᑕᐅᑉ ᐃᒪᖓᓂᑦ
ᐃᖃᔪᖁᓪᓗᒋᑦ ᓯᐊᒻᒪᒃᑎᑦᑎᑦᑕᐃᓕᓂᕐᒧᑦ ᓄᕙᒡᔪᐊᕐᓇᖅ-19-ᒥᒃ, ᐳᓚᕋᖃᑦᑕᖅᑐᑦ ᐅᒥᐊᕐᔪᐊᑦ ᑕᖕᒫᖃᑦᑕᖅᑐᑦ ᐊᔪᙱᑎᑕᐅᔪᑦ ᐅᓯᓗᑎᒃ ᐅᖓᑖᓄᑦ 100 ᐃᓄᐃᑦ ᐊᐅᓚᖁᔭᐅᙱᑦᑐᑦ ᑲᓇᑕᐅᑉ ᐃᒪᖏᓐᓂᑦ ᐅᑐᐱᕆ 31, 2020ᒧᓱᖓᖅ.
ᐅᖃᐅᔨᒋᐊᕐᓂᖅ
ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦ ᑐᓂᓯᓯᒪᕗᑦ ᐅᖃᐅᔾᔨᓂᐅᔪᒥ ᑲᓇᑕᒥ ᒐᕙᒪᒃᑯᓐᓄᑦ ᐱᔾᔪᑎᖃᖅᑐᒥ ᓄᖅᑲᖅᑎᑦᑎᓂᕆᔭᕐᒥᒃ ᐊᑐᖅᓯᓂᕐᒥᒃ ᓄᒃᑕᖅᑎᑦᑎᓂᕐᒥᒡᓗ ᐅᖁᒪᐃᑦᑎᒥᒃ ᐅᖅᓱᐊᓗᖕᒥᒃ ᐅᖅᓱᖅᑐᕈᓐᕆᐊᒃᓴᖏᑕ ᐅᒥᐊᕐᔪᐊᑦ ᐅᑭᐅᖅᑕᖅᑑᑉ ᐃᒪᖏᓐᓂ.
ᓄᑖᕈᕆᐊᖅᓯᒪᔪᑦ ᖃᐅᔨᒃᑲᐃᔾᔪᑎᑦ
ᓄᓇᕐᔪᐊᒥ ᐅᒥᐊᕐᔪᐊᓕᕆᓂᕐᒧᑦ ᑲᑐᔾᔨᖃᑎᒌᖑᔪᓂ, ᐃᓱᒪᒋᓪᓗᒍ ᓄᕙᒡᔪᐊᕐᓇᖅ-19−ᒥ, ᑭᖑᕙᕆᐊᖅᑎᑦᑎᕗᖅ ᑲᑎᒪᒃᑲᓐᓂᕐᓂᐅᔪᓂ ᐱᔾᔪᑎᖃᖅᑐᒥ ᓄᕙᒡᔪᐊᕐᓇᖅ-19−ᒧᑦ, ᐃᓚᖃᖅᑐᒥ 75−ᖓᓂ ᑲᑎᒪᓂᐅᔪᒥ ᐃᒪᐅᑉ ᐊᕙᑎᖓᑕ ᓴᐳᒻᔭᐅᓂᖓᓄᑦ ᑲᑎᒪᔨᕋᓛᖑᔪᓄᑦ, ᐋᖅᑭᒃᑕᐅᓯᒪᓚᐅᖅᑐᒥ ᐱᓕᕆᐊᖑᓂᐊᓚᐅᕐᓂᖓᓂ 30 ᒫᔾᔨ−ᒥ 3 ᐊᐃᑉᕆᓕ 2020−ᒧᑦ.
ᐅᓂᒃᑳᓕᐊᖅ ᓴᖅᑭᑕᐅᓂᖓ
ᐅᑭᐅᖅᑕᖅᑐᒥ ᑲᑎᒪᔨᒃᑯᑦ ᐱᓕᕆᓂᕐᒧᑦ ᑲᑎᙵᓂᐅᔪᑦ ᓴᐳᔾᔨᓯᒪᓂᕐᒧᑦ ᐅᑭᐅᖅᑕᖅᑐᒥ ᐃᒪᐅᑉ ᐊᕙᑎᖓᓐᓂ ᐱᒋᐊᖅᓯᓚᐅᖅᐳᑦ ᓯᕗᓪᓕᖅᐹᖓᓂ ᐅᑭᐅᖅᑕᖅᑐᒥ ᐅᓯᑲᑦᑕᕐᓂᕐᒧᑦ ᖃᓄᐃᓕᖓᓂᖓᓂ ᐅᓂᒃᑳᓕᐊᒥᑦ ᐅᔾᔨᕈᓱᒃᑎᑦᑎᓂᕐᒧᑦ ᑕᐃᒃᑯᓇᙵᑦ ᐊᒻᒪ ᐅᖃᐅᓯᖃᕐᓂᕐᒧᑦ ᑐᑭᓯᒋᐊᕈᑎᓂᑦ ᐅᑭᐅᖅᑕᖅᑐᒥ ᐅᓯᑲᖅᑕᕐᓂᕐᒧᑦ ᖃᓄᐃᓕᐅᕈᑎᒃᓴᖏᓐᓂᑦ.
ᐅᓂᒃᑳᓕᐊᖅ ᓴᖅᑭᑕᐅᓂᖓ
ᑲᓇᑕᒥ ᖃᐅᔨᓴᕐᓂᕐᒧᑦ ᑲᑎᒪᔨᑦ ᑲᓇᑕᐅᑉ ᐅᑭᐅᖅᑕᖅᑐᒥ ᐱᓕᕆᐊᖑᔪᒥ ᐃᓚᖃᖅᖢᓂ ᐱᓕᕆᖃᑎᒋᔭᖏᓐᓂ ᒐᕙᒪᐅᔪᓂ, ᓄᓇᖃᖅᑳᖅᓯᒪᔪᓄᑦ ᐊᒻᒪ ᐅᑭᐅᖅᑕᖅᑐᒥ ᓄᓇᓕᖕᓂ, ᓴᓇᔭᐅᓯᒪᔪᓄᑦ ᐊᒻᒪ ᐃᓱᒪᒋᔭᐅᔪᓂᑦ ᐱᔾᔪᑎᓕᖕᓄᑦ, ᕿᓂᖅᐳᑦ ᑭᐅᓂᕐᒧᑦ ᐱᕕᒃᓴᖃᕐᓂᐅᔪᓂ ᐊᒻᒪ ᐊᒃᓱᕈᕈᑕᐅᔪᓂ ᐃᑲᔪᖅᓱᐃᓂᕐᒧᑦ ᒪᑭᒪᔾᔪᑕᐃᔪᓐᓇᖅᑐᓄᑦ ᐊᒻᒪ ᐊᑦᑎᒃᑯᒥ-ᐊᒃᑐᐃᓂᐅᔪᒥ ᐱᕙᓪᓕᐊᑎᑕᐅᓂᖓᓂ ᐅᑭᐅᖅᑕᖅᑐᒥ, ᐊᖏᒡᓕᒋᐊᖅᓯᐅᒡᔮᕐᔪᒃᑎᓪᓗᒋᑦ ᐱᐅᓂᖓᓂ ᐃᓅᓯᐅᔪᒥ ᐅᑭᐅᖅᑕᖅᑐᕐᒥᐅᓄᑦ.