ᐃᓄᐃᑦ ᐊᒻᒪᓗ ᒐᕙᒪᒃᑯᓪᓗ ᑲᑐᔾᔭᐅᔪᑦ

ᐱᓇᓱᐊᒐᕆᔪᒪᔭᒥᑎᒍᑦ ᐊᓂᒍᐃᖃᑦᑕᕈᓐᓇᕐᓂᐊᖅᑐᑦ, ᓄᓇᕘᒥ ᑕᕆᐅᓕᕆᔨᒃᑯᑦ ᑲᑎᒪᔨᖏᑦ ᐃᑲᔪᖅᑕᐅᖃᑦᑕᐃᓐᓇᖃᑦᑕᕆᐊᖃᕐᓂᐊᖅᑐᑦ ᐊᑐᓂ ᑲᑎᒪᔨᒋᔭᒥᓄᑦ ᐊᓯᖏᓐᓄᑦ ᑲᑐᔾᔨᖃᑎᒌᖁᑎᒋᔭᒥᓄᑦ ᐱᓕᕆᐊᖃᖃᑦᑕᖅᑐᓂᒃ ᐊᒻᒪᓗ ᐱᓇᓱᐊᒐᖃᖅᑎᑕ-ᐅᓯᒪᔪᓄᓪᓗ ᐅᑭᐅᖅᑕᖅᑐᒥ ᑕᕆᐅᓕᕆᓂᕐᒥᑦ. ᐃᓚᖓᑦ ᑐᙵᕕᒋᔭᐅᔪᖅ ᑕᒡᕙᓂ ᓄᓇᕘᒥ ᓄᓇᑖᕐᓂᕐᒧᑦ ᐊᖏᕈᒻᒥ ᑲᑐᔾᔨᖃᑎᒌᒋᔭᐅᔪᑦ ᓄᓇᒥᐅᑕᓕᕆᓂᖅ ᑕᕆᐅᕐᒥᐅᑕ-ᓕᕆᓂᕐᓗ ᐊᐅᓚᑦᓯᖃᑎᒌᒋᐊᖃᕐᓂᖏᓐᓂᒃ , ᐃᓄᖕᓄᑦ ᒐᕙᒪᖃᕐᕕᐅᔪᓄᑦ NWMB,NPC, NIRB, ᐊᒻᒪ NWB-ᑯᓄᓪᓗ, ᐃᓄᐃᑦ ᒐᕙᒋᔭᐅᔪᓪᓗ ᐃᑲᔪᖃᑎᒌᒋᐊ-ᖃᖅᑐᐃᓐᓇᐅᔪᑦ ᐱᓕᕆᐊᖃᑎᒋᑦᓯᐊᕋᓱᐊᕐᓗᑎᒃ ᖃᐅᔨᓴᖃᑦᑕᕐᓂᒃᑯᑦ, ᑐᓴᒐᒃᓴᐅᑎᓂᒡᓗ ᐊᑐᐃᓐᓇᐅ-ᑎᑦᓯᖃᑦᑕᕆᐊᖃᖅᑐᑦ, ᐅᖃᐅᓯᒃᑯᑦ ᐃᑲᔪᖃᑎᒋᒃᐸᒡᓗᑎᒃ, ᐊᑐᓕᑯᔭᐅᔪᒃᑯᑎᒍᓪᓗ ᐊᒻᒪᓗ ᐊᖏᖅᑕᐅᓯᒪᔭᕆ-ᐊᖃᖅᑐᒃᑯᓪᓗ. ᐱᓕᕆᐊᖃᑎᒌᑦᓯᐊᖃᑦᑕᕐᓂᒃᑯᑦ ᐊᑐᓂ ᑲᑐᔾᔨᖃᑎᒌᒋᔭᐅᔪᑦ ᐃᑲᔪᖃᑕᐅᑦᓯᐊᖃᑦᑕ-ᕈᓐᓇᓚᐅᕐᓂᖏᓐᓂᒃ ᓄᓇᕘᒥ ᑕᕆᐅᓕᕆᔨᑦ ᑲᑎᒪᔨᖃᕈᑎᒋᓕᖅᐸᖓ. ᐊᑐᕐᓂᖃᑦᓯᐊᕐᓂᐊᖅᑐᑦ ᓇᓗᓇᙱᑦᑐᖅ ᓯᕗᓂᒃᓴᕆᓛᖅᑕᑦᑎᓐᓂ.

ᓄᓇᕘᒥ ᑕᕆᐅᓕᕆᔨᒃᑯᑦ ᑲᑎᒪᔨᖏᑦ ᐃᓄᐃᑦ ᑎᒥᒋᔭᖏᓐᓂᒃ ᐃᑲᔪᖅᑎᖃᖃᑦᑕᕐᒥᔪᑦ

ᓄᓇᕗᑦ ᑐᙵᕕᒃᑯᑦ:

ᑭᒡᒐᖅᑐᐃᔨᒋᔭᐅᔪᑦ ᐃᓄᖕᓄᑦ ᓄᓇᕘᒥ ᓄᓇᑖᕐᓂᕐᒧᑦ ᐊᖏᕈᑎᒃᑯᑦ, ᐱᕈᖅᓴᐃᔭᕆᐊᖃᖅᑐᑦ ᓯᕗᒻᒧᐊᒃᑎᑦᓯᓇᓱᐊᕆᐊᕐᓗᑎᒃ ᐃᓄᐃᑦ ᐱᕙᓪᓕᐊᔾᔪᑎᒃ-ᓴᖏᓐᓂᒃ, ᐃᓄᓕᕆᓂᖅ ᐃᓕᖁᓯᓕᕆᓂᕐᓗ ᐊᑐᓕᖅᑎᑕ-ᐅᕙᓪᓕᐊᓂᖓᓂᒃ ᓄᓇᕘᒥ ᓄᓇᑖᕐᓂᕐᒧᑦ ᐊᖏᕈᑦ.

ᐱᖓᓱᑦ ᓄᓇᓖᑦ ᐊᕕᒃᑐᖅᓯᒪᐅᕐᓂᖏᓐᓃᑦᑐᑦ ᐃᓄᐃᑦ ᑲᑐᔾᔨᖃᑎᒋᖏᑦ:

ᑭᐞᒡᒐᖅᑐᐃᔨᒋᔭᐅᔪᑦ ᐃᓄᖕᓄᑦ ᓄᓇᓕᖕᓂ ᓄᓇᕘᒥ 27 ᐅᔪᓄᑦ. ᐊᖓᔪᖅᑳᕆᔭᐅᔪᑦ ᑐᙵᕕᒃᑯᓐᓄᑦ ᐃᓄᐃᓪᓗ ᑲᑐᔾᔨᖃᑎᒌᒃᑯᖏᓐᓄᓪᓗ ᑲᑎᒪᔨᒋᔭᐅᔪᑦ ᑐᙵᕕᒃᑯᓐᓄᑦ.

ᐱᖓᓱᑦ ᐃᒐᓱᑦ ᐊᕕᒃᓯᒪᔪᓂ ᐆᒪᔪᓕᕆᓂᕐᒧᑦ ᑲᑐᔾᔨᖃᑎᒌᖏᑦ:

ᕿᑭᖅᑖᓗᒃ ᐆᒪᔪᓕᕆᓂᕐᒧᑦ ᑲᑐᔾᔨᖃᑎᒌᖏᑦ, ᑭᕙᓪᓕᖅ ᐆᒪᔪᓕᕆᓂᕐᒧᑦ ᑲᑐᔾᔨᖃᑎᒌᖏᑦ, ᐊᒻᒪᓗ ᕿᑎᕐᒥᐅᑦ ᐆᒪᔪᓕᕆᓂᕐᒧᑦ ᑲᑐᔾᔨᖃᑎᒌᖏᑦᑭᒡᒐᖅᑐᐃᔨᒋᔭᐅᔪᑦ ᐊᓯᕙᖅᑏᑦ ᐊᖑᓇᓱᒃᑏᑦ ᒥᑭᒋᐊᖅᑏᑦ ᑲᑐᔾᔨᖃᑎᒌᒋᔭᐅᔪᓄᑦ ᓄᓇᓖᑦ ᐊᕕᒃᑐᖅᓯᒪᐅᕐᓂᖏᓐᓃᑦᑐᓂᒃ. ᐊᖑᓇᓱᖕᓂᕐᒧᑦ ᐊᐅᓚᑦᓯᖃᑦᑕᖅᑐᑦ, ᐊᐅᓚᑦᓯᖃᑦᓯᖃᑦᑕᖅᓱᑎᒡᓗ ᐊᖑᓇᓱᖕᓂᕐᒥᑦ ᐱᓕᕆᐊᕆᔭᐅᔪᒃᓴᓂᒃ ᐊᔾᔨᒌᖏᑦᑑᑎᓂᒡᓗ, ᓄᓇᓕᖕᓂ ᐊᖑᓇᓱᒃᑏᑦ ᑲᑐᔾᔨᖃᑎᒋᖏᓐᓂ. ᖃᕆᑕᐅᔭᖅᑎᒍᑦ ᐱᓕᕆᐊᕆᔭᐅᕙᓪᓕᐊᔪᑦ ᐅᖃᓕᒫᖅᑕᐅᔪᓐᓇᖅᑐᑦ ᓄᓇᕘᒥ ᐃᓄᐃᑦ ᐆᒪᔪᓕᕆᔩᑦ ᐊᒡᓚᒡᕕᐊᑕ ᖃᕆᑕᐅᔭᖅᑎᒎᕈᓐᓇᐅᑎᖃᕐᕕᐊᓂ.

27-ᖑᔪᑦ ᐊᓯᕙᖅᑏᑦ ᐊᖑᓇᓱᒃᑏᑦ ᒥᑭᒋᐊᖅᑏᑦ ᑲᑐᔾᔨᖃᑎᒌᒋᔭᐅᔪᑦ:

ᑭᒡᒐᖅᑐᐃᔨᒋᔭᐅᔪᑦ ᐃᓄᖕᓄᑦ ᐊᖑᓇᓱᐊᕆᐊᖅᐸᒃᑐᓄᑦ ᒥᑭᔾᔨᕆᐊᖅᐸᒃᑐᓂᒡᓗ ᐊᑐᓂ ᓄᓇᕘᒥ ᓄᓇᓕᒋᔭᐅᓂᕐᒥᐅᑕᓄᑦ. ᐃᓚᒋᔭᖓᑦᑕᐅᑦ ᓄᓇᕘᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓄᑦ ᐊᖑᔭᐅᕙᓪᓕᐊᔪᓂᒃ ᑲᒪᒋᔭᐅᖕᒥᔪᑦ ᓄᓇᕘᒥ ᓄᓇᑖᕐᓂᕐᒧᑦ ᐊᖏᕈᑎᒃᑯᑦ. ᖃᕆᑕᐅᔭᖅᑎᒍᑦ ᐱᓕᕆᐊᕆᔭᐅᕙᓪᓕᐊᔪᑦ ᐅᖃᓕᒫᖅᑕᐅᔪᓐᓇᖅᑐᑦ ᓄᓇᕘᒥ ᐃᓄᐃᑦ ᐆᒪᔪᓕᕆᔩᑦ ᐊᒡᓚᒡᕕᐊᑕ ᖃᕆᑕᐅᔭᖅᑎᒎᕈᓐᓇᐅᑎᖃᕐᕕᐊᓂ.

ᓄᓇᕘᒥ ᑕᕆᐅᓕᕆᔨᒃᑯᑦ ᑲᑎᒪᔨᖏᑦ ᒐᕙᒪᒋᔭᐅᔪᓄᑦ ᐃᑲᔪᖅᑎᒋᓗᐊᖅᐸᖕᓂᖅᓴᕆᔭᖏᑦ ᐅᕝᕙᐅᕗᑦ

ᐊᕙᑎᓕᕆᔨᒃᑯᑦ, ᓄᓇᕘᒥ ᒐᕙᒪᖓ:

ᐊᕙᑎᒋᔭᖓᓐᓂᒃ ᓴᐳᒻᒥᒃᓰᔭᕆᐊᖃᖅᑎᑕᐅᓯᒪᔪᑦᐱᕈᒃᑲᓐᓂᕈᓐᓇᒻᖅᑐᓂᒡᓗ ᐊᑐᖅᑎᑦᓯᒋᐊᖃᖅᓯᒪᑎᑕᐅᓪᓗᑎᒡᓗ. ᐊᕙᑎᓕᕆᔨᒃᑯᑦ ᐱᓕᕆᐊᖃᕋᓱᐊᕐᓂᐊᕐᓂᕆᔭᒥᓂ ᐊᐅᓚᑦᓯᔭᕆᐊᖃᕐᓂᕐᒥᑦ ᓄᓇᑉ ᖄᖓᓃᕐᒥᐅᑕᓂᒃ ᐆᒪᔪᓂᒃ, ᓇᓄᐃᑦ, ᑐᒃᑐᓂᒃ ᐊᒻᒪᓗ ᐅᒥᖕᒪᖕᓂᒡᓗ. ᒥᙵᐃᖅᓯᕐᕕᓕᐅᖅᐸᒃᓱᑎᒡᓗ ᑲᒪᔨᒋᔭᐅᓪᓗᑎᒡᓗ ᒥᙳᐃᖅᓯᕐᕕᖕᓂᒃ ᐊᒻᒪᓗ ᐱᓗᐊᕐᕕᐅᔭᕆᐊᖃᙱᑦᑐᓂᒡᓗ. ᒪᓕᒐᖅᑎᒍᑦᑕᐅᑦ ᐱᓇᓱᐊᒐᖃᖅᑎᑕᐅᓯᒪᖕᒥᔪᑦ ᐃᓚᖓᓐᓂᒃ ᓄᓇᕘᒥ ᐆᒪᔪᓕᕆᓂᕐᒥᑦ ᒪᓕᒐᕐᒥᑦ.

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ – ᓄᓇᕗᒻᒥ ᒐᕙᒪᒃᑯᓐᓂ:

ᓴᓇᕝᕕᐅᔪᑦ ᑮᓇᐅᔭᑎᒍᑦ ᐱᕙᓪᓕᐊᓂᕐᒧᑦ ᐊᒻᒪᓗ ᐊᐅᓪᓚᖃᑦᑕᖅᑐᓕᕆᓂᕐᒧᑦ ᓴᖅᑭᑕᐅᓚᐅᖅᑐᖅ ᑕᐃᑲᓂ 2004−ᒥᑦ ᐊᑐᖅᖢᑎᒃ ᑭᖑᓪᓕᖅ ᐱᓕᕆᐊᒃᓴᖅ ᑖᒃᑯᓇᓂ ᒐᕙᒪᖏᓐᓂᑦ ᓄᓇᕘᑉ. ᐱᓕᕆᐊᒃᓴᓖᑦ ᓴᓇᕝᕕᐅᔪᑦ ᐃᑲᔪᖅᓯᕐᓗᑎᒃ ᐃᓚᐅᓂᖏᓐᓂᒃ ᐃᓄᐃᑦ ᓄᓇᖃᖅᑐᑦ ᑕᐃᑲᓂ ᐱᕙᓪᓕᐊᓂᐅᔪᒥᑦ ᐊᒻᒪᓗ ᐱᕈᖅᐸᓪᓕᐊᓂᖓᓄᑦ ᓄᓇᕘᑉ ᑮᓇᐅᔭᓕᕆᓂᖁᑎᖏᑦ.

ᑲᓇᑕᒥ ᐃᒪᕐᒥᐅᑕᓕᕆᓕᔨᒃᑯᑦ:

ᐊᐅᓚᑦᓯᖃᑦᑕᖅᑐᑦ ᐃᖃᓗᓕᕆᓂᕐᒥᑦ ᐳᐃᔨᓂᒡᓗ, ᓇᔪᖅᑕᖏᓐᓂᒡᓗ ᓴᐳᒻᒥᒃᓰᔨᒋᔭᐅᓪᓗᑎᒃ, ᖃᐅᔨᓴᖃᑦᑕᖅᓱᑎᒡᓗ ᑐᓴᒐᒃᓴᐅᑎᒃᓴᓂᒃ ᑲᑎᖅᓱᐃᓪᓗᑎᒃ ᓴᕈᒻᒥᔭᐅᓯᒪᓂᖃᕈᓐᓇᖁᓪᓗᒋᑦ ᐊᑐᓗᐊᖅᑕᐅᑦᑕᐃᓕᒪᖁᓪᓗᒋᓪᓗ ᑕᕿᐅᖅᑕᓖᑦ ᓄᓇᒥᓗ ᐃᒪᖅᑕᓖᑦ ᐊᕙᑎᒋᔭᖏᓪᓗ ᐃᒪᖁᑎᖏᓐᓃᑦᑐᓪᓗ.

ᑲᓇᑕᒥ ᐆᒪᔪᓕᕆᔨᕐᔪᐊᒃᑯᑦ:

ᐆᒪᔪᓕᕆᓂᕐᒨᖓᔪᓂᒃ ᑲᒪᖃᑦᑕᖅᑐᑦᑲᓇᑕᐅᑉ ᓴᙱᓂᖃᕐᕕᒋᔭᖏᓐᓃᑦᑐᓂᒃ, ᐃᓚᖃᓯᐅᑎᓗᒋᑦ ᓴᐳᒻᒥᒃᓰᓂᖅ ᑎᖕᒥᐊᒃ ᑎᑭᑦᑕᖃᑦᑕᖅᑐᓂᒃ, ᑲᓇᑕᒥ ᐆᒪᔪᖅᑕᖃᐅᕐᓂᖅᓴᐅᖃᑦᑕᖅᑐᓂᒃ ᐊᒻᒪᓗ ᐆᒪᔪᑦ ᐊᒥᓲᓂᖏᑦ ᖃᔭᖕᓇᖅᑐᒃᑰᓕᑐᐃᓐᓇᕿᐊᖃᖅᑐᓂᒡᓗ. ᐆᒪᔪᓂᒃ ᖃᐅᔨᓴᖅᐸᖕᒥᔪᑦ. ᐃᓚᖃᓯᐅᑎᓗᒋᑦ. ᑲᓇᑕᒥ ᐊᕙᑎᓕᕆᔨᒃᑯᑦ ᒥᙳᐃᖅᓯᕐᕕᓕᕆᔨᒃᑯᖏᑦ ᑲᒪᒋᔭᖃᖃᑦᑕᖅᑕᕐᒥᔪᑦ ᓄᓇᕘᑉ ᒥᙳᐃᖅᓯᕐᕕᒋᔭᖁᑎᖏᓐᓂᒃ – ᐊᐅᔪᐃᑦᑐᖅ, ᓯᕐᒥᓕᒃ, ᖁᑦᑎᖕᓂᖅᐹᖕᒥᒡᓗ.

ᑯᐃᓐᒧᑦ-ᓄᓇᖃᖅᑳᖅᓯᒪᔪᓕᕆᔨᒃᑯᑦ ᐊᒻᒪᓗ ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕᒥ (CIRNAC):

ᑯᐃᓐᒧᑦ-ᓄᓇᖃᖅᑳᖅᓯᒪᔪᓕᕆᔨᒃᑯᑦ ᐊᒻᒪᓗ ᐅᑭᐅᖅᑕᖅᑐᓕᕆᔨᒃᑯᑦ ᑲᓇᑕᒥᑦ (CIRNAC) ᑲᔪᓯᕙᓪᓕᐊᔪᑦ ᓄᑖᙳᕆᐊᕆᖃᑦᑕᖅᖢᑎᒃ ᓄᓇᓕᕐᔪᐊᖑᖃᑎᖐᑦ, ᐃᓄᐃᑦ−ᓄᓇᖁᑎᖏᑦ, ᒐᕙᒪᓄᑦ−ᒐᕙᒪᓂᑦ ᐱᓕᕆᖃᑎᒌᖕᓃᑦ ᑖᒃᑯᓇᓂᑦ ᑲᓇᑕᒥᑦ ᐊᒻᒪᓗ ᓄᓇᖃᖅᑳᖅᓯᒪᔪᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ, ᓄᑖᙳᕆᐊᕐᓗᒋᑦ ᒐᕙᒪᖏᑕ ᑲᓇᑕᐅᑉ ᐋᖅᑭᒃᓯᒪᓂᖏᑦ ᐊᔪᙱᑎᑦᑎᔪᑦ ᓄᓇᖃᖅᑳᖅᓯᒪᔪᓂᑦ ᐱᓕᕆᔪᓐᓇᖅᓯᓗᑎᒃ ᐊᒻᒪᓗ ᐃᑲᔪᖅᓯᕐᓗᒋᑦ ᑕᐅᑐᖅᑰᖅᑕᖏᑦ ᐃᒻᒥᓂᖅᓱᓕᕋᓱᐊᕐᓂᕐᒧᑦ; ᐊᒻᒪᓗ ᓯᕗᒃᑲᖅᑕᕐᓗᒋᑦ ᒐᕙᒪᖏᑦ ᑲᓇᑕᐅᑉ ᐱᓕᕆᐊᖏᓐᓂᑦ ᐅᑭᐅᖅᑕᖅᑐᒥᑦ.

ᑲᓇᑕᒥ ᐃᖏᕐᕋᔪᓕᕆᔨᒃᑯᑦ:

ᐋᓐᓂᖅᑕᐃᓕᒪᑎᑦᓯᓂᒃᑯᑦ ᐸᓚᐃᔭᖅᓯᓯᒪᑦᓯᐊᖅᑐᒃᑯᓪᓗ, ᐊᑐᕐᓂᖃᑦᓯᐊᖅᑐᒃᑯᓪᓗ ᐊᕙᑎᒥᐅᑕᓃᑦᑐᓂᒡᓗ ᐃᓱᒪᖃᓯᐅᑎᖃᑦᓯᐊᕐᓂᒃᑯᑦ ᐃᖏᕐᕋᔪᓕᕆᔨᒋᔭᐅᔪᑦ ᑲᓇᑕᒥ. ᐋᓐᓂᖅᑕᐃᓕᒪᑎᑦᓯᓂᒃᑯᑦ ᐸᓚᐃᔭᖅᓯᓯᒪᑦᓯᐊᖅᑐᒃᑯᓪᓗ ᐃᓚᖃᓯᐅᔾᔭᐅᓯᒪᔪᑦ ᖃᖓᑕᓲᓄᑦ ᐱᔨᑦᓯᕋᐅᑏᑦ, ᐃᓄᖕᓅᖓᔪᓄᑦ ᖃᖓᓱᓕᕆᓂᖅ, ᑕᕆᐅᒥ ᐋᓐᓂᐊᖅᑕᐃᓕᒪᔪᓕᕆᓂᖅ, ᑕᕆᐅᒥ ᐸᓚᐃᖅᓯᓯᒪᔾᔪᑎᓂᒃ, ᓄᓇᓯᐅᑎᑯᑖᒃᑯᑦ ᐋᓐᓂᐊᖅᑕᐃᓕᒪᔪᓕᕆᓂᖅ, ᐸᓚᐃᓯᓯᒪᔾᔪᑏᑦ ᐸᕐᓇᓯᒪᔭᕆᐊᖃᕐᓂᖅ ᑐᐊᕕᕐᓇᖅᑐᖅᓯᐅᑎᓄᑦ, ᐅᓗᕆᐊᓇᖅᑑᑎᓂᒃ ᐊᒡᔭᖅᑐᐃᓂᖅ. ᓄᓇᓯᐅᑎᑯᑖᒃᑯᑦ ᖃᓪᓗᓈᓪᓗ ᓄᓇᖏᓐᓂ ᐃᖏᕐᕋᔾᔪᑎᓄᑦ ᐸᓚᐃᖅᓯᓯᒪᔾᔪᑏᓂᒡᓗ.

ᑲᓇᑕᒥ ᐅᒥᐊᕐᔪᐊᓕᕆᔩᑦ:

ᓇᖕᒥᓂᕆᖏᑦ ᐊᒻᒪᓗ ᐊᐅᓚᑕᖏᓪᓗ ᑲᓇᑕᐅᑉ ᒐᕙᒪᖓᑦᑕ ᐅᒥᐊᕐᔪᐊᖁᑎᖏᓐᓂᒃ, ᑕᕆᐅᓪᓗ ᓯᓈᓂᕐᒥᐅᓄᑦ ᐱᔨᑦᓯᕋᖃᑦᑕᖅᑐᑦ ᑲᓇᑕᒥᐅᓄᑦ. ᐃᒪᕐᔪᐊᓕᕆᓂᕐᒥᑦ ᒪᓕᒐᕐᔪᐊᖅ ᐃᒪᕐᒥᐅᑕᓕᕆᔨᒃᑯᓐᓄᑦ ᒥᓂᔅᑕᕆᔭᖅ, ᐃᒪᕐᔪᐊᓕᕆᔨᒃᑯᓐᓄᓪᓗ ᐅᒥᐊᕐᔪᐊᓕᕆᔨᒃᑯᓐᓄᓪᓗ ᐱᓇᓱᐊᒐᖃᖅᑎᑦᓯᓯᒪᔪᖅ ᐅᒥᐊᕐᔪᐊᓄᑦ ᐃᑲᔫᑎᒃᓴᓂᒃ, ᑕᕆᐅᖏᓐᓇᕐᒦᑦᑐᓄᓪᓗ ᐅᒥᐊᕐᔪᐊᓄᑦ ᑐᓴᖃᑦᑕᐅᑎᓂᒃ ᐃᖏᕐᕋᔭᒪᔪᓄᓪᓗ ᐊᐅᓚᑦᓯᓂᖅ ᐱᔨᑦᓯᕋᐅᑏᑦ, ᐃᒃᑰᕐᕕᒃᓴᓄᑦ ᑲᒪᒋᔭᐅᔭᕆᐊᖃᕐᓂᖏᓐᓂᒃ, ᑕᕆᐅᒥ ᐊᓯᐅᓯᒪᔪᓄᑦ ᐊᔪᓕᖅᓯᒪᔪᓄᓪᓘᓐᓃᑦ ᕿᓂᖅᑐᓕᕆᓂᖅ ᐸᖅᓴᐃᔩᑦ, ᑕᕆᐅᒧᑦ ᐃᓚᐅᖅᓱᖅᓯᒪᔪᖅᑕᖃᓕᕐᓂᖅᐸᑦ ᑐᐊᕕᒃᕐᓇᖅᑐᖅᓯᐅᑎᓕᕆᓂᖅ, ᐊᓯᖏᓐᓂᒡᓗ ᒐᔭᓚᑦ ᐊᕕᒃᑐᖅᓯᒪᐅᕐᓂᖏᓐᓂᒃ ᐃᑲᔪᖃᑦᑕᕆᐊᖃᕐᓂᕐᒥᒡᓗ ᐅᒥᐊᕐᔪᐊᓂᒃ ᐊᑐᐃᓇᐅᑎᑦᓯᓂᖅ, ᖃᖓᑕᓲᓂᒡᓘᓐᓃᑦ.