ᐃᖃᓗᓕᕆᔨᒃᑯᑦ ᐊᒻᒪ ᐃᒪᓕᕆᔨᒃᑯᑦ ᑲᓇᑕᒥ, ᓄᓇᕗᑦ ᑐᖖᒐᕕᒃᑯᑦ, ᓄᓇᕗᑦᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ, ᓄᓇᕗᑦ ᒐᕙᒪᒃᑯᑦ, ᐊᒻᒪ ᒪᑭᕕᒃ ᑯᐊᐳᕇᓴᒃᑯᓪᓗ ᑐᓴᒐᒃᓴᐅᓯᖅᓯᓚᐅᖅᐳᑦ ᑲᔪᓰᓐᓇᖅᑐᒥᒃ ᐃᒪᕐᒥᐅᑕᓕᕆᓂᕐᒧᑦ ᐊᑐᐊᒐᒃᓴᐅᓇᔭᖅᑐᓂᒃ ᓄᓇᕗᒻᒧᑦ ᑲᓵᔭᖏᓐᓄᓪᓗ ᐃᒪᕕᖃᕐᓂᐅᔪᑦ ᐃᓚᒋᔭᐅᓪᓗᑎᒃ ᓄᓇᕕᖕᒥ ᐃᒪᕕᖃᕐᓂᐅᔪᑦ. ᑕᒪᑐᒪ ᒥᒃᓵᓄᑦ ᑎᑎᖅᑲᐅᓯᐊᕆᔭᐅᓯᒪᔪᑦ ᑕᑯᔭᒃᓴᐅᕗᑦ ᐃᑭᐊᖅᑭᕕᒃᑯᑦ “Correspondence” (ᑎᑎᕋᖅᓯᒪᔪᑦ) ᐊᑖᒍᑦ. ᓄᑖᑦ ᐃᒪᕐᒥᐅᑕᓕᕆᓂᕐᒧᑦ ᐊᑐᐊᒐᒃᓴᓕᐊᖑᓇᓱᒃᐳᑦ ᐊᑐᖅᓯᓕᖅᑎᑦᑎᓂᖅᑕᖃᑦᑎᐊᓕᕐᓂᖅᓴᐅᖁᓪᓗᒍ ᓄᓇᑖᕐᓂᕐᒧᑦ ᐊᖏᖃᑎᒌᒍᓯᕐᒦᑦᑐᑦ, ᓯᕗᒻᒧᐊᒃᐸᓪᓕᖅᑎᑦᑎᓇᓱᒧᑦ ᓄᓇᖃᖅᑳᖅᑐᑦ ᐃᖕᒥᖕᓂᒃ ᐅᔾᔨᕆᔭᖃᕐᓂᕐᒥᒃ ᓴᙱᒡᓕᒋᐊᖅᑎᑦᑎᓂᒃᑯᑦ ᐊᐅᓚᑦᑎᓂᖃᕈᓐᓇᕐᓂᕆᔭᒥᒃ ᐊᑐᖅᑕᒃᓴᐅᔪᓂᒃ ᐃᒪᕐᒥᐅᑦᑕᓂᒃ, ᐊᒻᒪ ᓴᖅᑭᑎᑦᑎᓂᒃᑯ ᐊᑐᐊᒐᖃᐅᓯᐅᓇᔭᖅᑐᓂᒃ ᐃᒪᕐᒥᐅᑦᑕᑦ ᐱᑕᖃᐃᓐᓇᕐᓂᒃᓴᖓᓂᒃ ᓄᓇᕘᑉ ᑲᓵᔭᖏᑕᓗ ᐃᒪᕕᖃᕐᓂᕆᔭᖏᓐᓂ. ᓄᑖᕈᕆᐊᖅᓯᒪᔪᑦ ᖃᐅᔨᒃᑲᐃᔾᔪᑎᑦ ᐱᓕᐊᖃᖅᐸᓪᓕᐊᓂᕆᔭᕐᒥᒃ ᓯᕗᒧᐊᒃᐸᓪᓕᐊᓂᕆᔭᕐᒥᒡᓗ ᐃᒪᕐᒥᐅᑕᓕᕆᓂᕐᒧᑦ ᐊᑐᐊᖓᒃᓴᖅᖑᓇᓱᒃᑐᑦ ᒥᒃᓵᓄᑦ ᑕᑯᔭᒃᓴᐅᖃᑦᑕᕐᓂᐊᖅᐳᑦ ᐅᕙᓂ: http://www.dfo-mpo.gc.ca/fm-gp/peches-fisheries/comm/consultation/nunavut-eng.htm