Ihuaqnighakkut Parnaiyautit
Tamna Nunavunmi Tariunganut Piyut Katimayiingit (NMC) avaliingungittuq timiqutigiyauyuq, kihimi hanalrutamik aturiami aadlanut piyut ayuitamiknik ilihimayanginniklu ukuat Nunavuutim Timiqutigiyangit Inuknut Kavamanganut uqariami tariuqmi ihumaalutigiyauyut hivitutqiat timiqutigiyauyup maliganganit. Angikliyuumiqninnga atayut tutquumavinga munariniqmut qanuriliurutingit piliurhimayut ukunuuna Nunavunmi Nunataarutit Angirutinginnit, NMC ihumaliurutingit angitqiyauyut ihuarhainiqmut ilauniqmullu ukunanit katimayiingit katimayiuyut havaktingillu ukunani Nunavunmi Uumajulirijirjuat Katimajingit (NWMB), tamna Nunavut Parnainirmut Katimayiingit (NPC), tamna Nunavut Aviktulikyiit Katimayiit (NIRB), unalu Nunavut Imaligiyit Katimayit (NWB).
Tapkuat Nunavunmi Tariunganut Piyut Katimayiingit pihimayat Atugakhaliaq Parnaut atuqnia tapkuat hugiaqni pivikha aulatyutit talvanga 2018-2023. Talvani Ihuaqnighakkut Parnaiyautinit ilittuqhitilik havaaghalluanganik Nunavunmi Tariunganut Piyut Katimayiingit ihumagiyainiklu iniqtaghait ahinik pivighaqarumik hivumuuqpalliaplutik tallimanik ukiunik havakvighaanik. Taman Atugakhaliaq Parnaut unnirtuqta huliniit tuklikhanut tallimat (5) ukiut aturahuaqtitninut ilitturiyauni uqautyaunilu aturahuaqtitnilu tapkuak malruk (2) hivulliutyaqni inait piplugit tatya maniktakhat aktilat: tariuqni umiakkuqnit tariuqnilu nunguttailinit.
Taman pinahuaqni tapkuat Atugakhaliat Parnaut tapkuat:
1. Pinguqtitni tapkuat Nunavunmi Tariunganut Piyut Katimayiingit atuqpiaqtuq nipigiya tariuqni umiakkurniq.
2. Pinguqtai tapkuat Nunavunmi Tariunganut Piyut Katimayiingit atuqpiaqtuq nipigiya tariuqni nunguttailinit
Aakhukgitigiiyauyunik
Nakataani 15.4.1 tapkuat Nakataani 15 tapkunani Nunavut Angirutit uqaqtat tamna: tapkuat Nunavumi Avatilikiyin Katimayin, tapkuat Nunavut Imaligiyit Katimayit, tapkuat Nunavut Parnaiyiit Kamisan, tapkuatlu Nunavut Uumayuliriyiqyuat Katimayit pilat katutyiqatigiklutik, piplugit tamna Nunavunmi Tariunganut Piyut Katimayiingit (NMC), uvaluniit ilikkut, uqautyini aturahuaqunilu ahiinut kavamatkut havakvit piplugu tariuqni inait, tapkuatlu Kavamatkut piyalgit ihumagiqahiutini tahapkuat uqautyinit aturahuaqunitlu ihumaliuqhutik aktuayunik tariuqni inait.
Ihumagiyauyuq
Piruqvigiplugu tamna uqauhiq talvani Nunavut Angirutit, tamna havariyainut pityut pivaliatitat tapkunanga Nunavunmi Tariunganut Piyut Katimayiingit 2012-mi tamanlu 2017 atugakhaliat parnaiyainiq havaqatigit, tapkuat Nunavunmi Tariunganut Piyut Katimayiingit atuliqtai tahapkuat ihumagiyauni inmingnut tapkununga 2018-2023 pivikha:
“Hulivaklutik, atuttiaqtumik naalaktumiklu nipauni tariuqnut pityutit tahapkununga Nunavummiut.”
Hivumuurutingit
Tapkuat Nunavunmi Tariunganut Piyut Katimayiingit pitaqniaqtai ihumagiyartik havariplugit pingahut (3) atuqpiaqtut havanguyut, ilagiplugu pinahauqtartik:
Hatqiqtitni ilittuqhautit, uqautyivakni kangiqhimanilu aturahuaquiniq, atuqpiaqtitni atuinaqni hapummini ihumatuyumiklu atuqni tahapkuat tariuqni inait tahamani Nunavutagauyup Iluani (NSA) hivituyumun ihuaqutauni tahapkuat Inuit, tapkuat inuqutai Nunavut inuqutailu Kanata, piplugit malikhaqni ihumagiyauyut tapkununga Inuit Qaujimajatuqangit tapkuatlu Nakataani 15 tapkunani Nunavut Angirutit (Tariuqni Inai).
Maniit ikayuutikhat
Piplugu tapkuat Nunavunmi Tariunganut Piyut Katimayiingit, tapkuat Nunavumi Avatilikiyin Katimayin, tapkuat Nunavut Parnaiyiit Kamisan, tapkuat Nunavut Imaligiyit Katimayit, tapkuatlu Nunavut Uumayuliriyiqyuat Katimayit, pilraqhimayat mikiyuq aktilaq atuqtakhat ukiumun maniktakhaq talvani 2015-2016 fiscal ukiungani hulininut havariyai ikayuqtuqhugu atuqpaliania Nunavunmi Tariunganut Piyut Katimayiingit huliniit. Una Nunavunmi Tariunganut Piyut Katimayiingit maniktakhaq piqaqtitauyuq tapkunanga Kavamatkut Kanata atuqhugu atuqpalianit tapkuat Nunavut Angirutit aviktauplunilu ayyikkiktunik aktilat tapkununga tapkuat Nunavumi Avatilikiyin Katimayin, tapkuat Nunavut Imaligiyit Katimayit, tapkuat Nunavut Parnaiyiit Kamisan, tapkuatlu Nunavut Uumayuliriyiqyuat Katimayit atuqhugu ukiumun tunityutit angirutit. Tadja una maniit ikayuutikhat aktikkulaanga iliuraqhimayuq $25,000-mik tamarmiknut, ihuarhaqhimayut angikliyuumiqniqmut.
Nunavunmi Tariunganut Piyut Katimayiingit akhuraaluk qinirhiayut pivikhaqautingit piinarialaqigiami maniit ikayuutikhat ikayuqniaqtut pigiami aadlanik ihumaliurutingit.
Uqauhiriyangi pilaqnit ikayuqtigikniq pityutinut naunaiqtauni tapkunani Atugakhaliat Parnaut, turaqvigiluta.
