Katimayiit Ukiuqtaqtumi Umiakkuurvikhaa Umiaqmik Aquttut (AECO)

Nalvaaqtauyuq 2003mi, AECO pipkaidjutigiyuq tamna ihumaalutigiyauyut unalu qanuqtutlu ihumagiyangit ukiuqtaqtumi umiakkuurniq umiaqmik aquttut. AECO akhuuqtut munarigiami munarilugit, avatinganut nakuuyuq qayangnaittuqlu pulaarniq uumani Ukiuqtaqtumi unalu akhuuqtut piliuriami tamna quulitqiamik aulapkaidjutimut maligat. Piinarialaqilugu tamna AECO qaritauyakkut pulaarvinga ihivriuriami maliktakhat ukununnga pulaaqtut talvunga Ukiuqtaqtumi, unalu aadlatqiinut uumayut maliktakhangit, huradjat maliktakhangit, unalu aulapkaidjutihimayuq maliktakhangit ukununnga tamna umiakkuuqniq umiaq havakvinga.

Kanatamiuni Uumayuliqiyit Kivgaqtit (CWS)

Tapkuat Kanatamiuni Uumayuliqiyit Kivgaqtit (CWS) tiliugat tapkuat Avatiliqiyit Kanata. Kanatamiuni Uumayuliqiyit Kivgaqtit (CWS) havalgit atuqpalianinut tapkuat Kanatamiuni Uumayuliqiyit Maligaq; tapkuat Uumayut Nungutnahuquqnit Maligaq; tapkuat Tikitpaktut Tingmiat Maligaqyuangat Maligaq; tapkuatlu Pihimayaungittut Angutikhat Nauttiatlu Hapummini Maligauyutlu Hilaqyuaqmi Himiiqtautit Maligaq (tapkununga atuqp[aliani tapkuat Maligaqyuat Hilaqyuaqmi Himmiqtautit tapkunani Nungutnahuquqtut Uumayut tapkununga Pihimayaungittut Angutikhat Nauttiatlu uvaluniit CITES).

Avatiliriyiitkut unalu Hilaup Aadlangurninnga Kanata (ECCC)

Avatiliriyiitkut unalu Hilaup Aadlangurninnga Kanata tuhaqhitai Kanatamiut hapummininut nunguttailinilu nunamittutuqat pitquhit, atuqpiaqnitlu halumanit, hivuranaitni ihuaqhihimanilu avatigiyauyut tatyamun hivunikhamutlu kinguvarit.

Iqalukhiurniqmut Tariuqmilu Kanata (DFO-kkun)

Iqalukhiurniqmut Tariuqmilu Kanata tamna kavamatuqatkut hivuliqni hivuranaipkutaqnut imaqutivut aulataunilu Kanataup iqaluliqutai, tariut imigaulatlu imait piqaqnit. Timinga Iqaluliqiyit Tariuqmiutaliqiyit ikayuqtut atuqpiariangi aaniaqtailini ihuaqhihimanilu imaqmiutat uumatyutit atuqhugit nayuqtauvaktut hapummini nakuuyumiklu naunaiyainiq.

Tariut Ukiurtaqtuq

Tariuqmi Ukiuqtaqtumi Kaanata atuliqtitait nalunaqtunik naunaiyainiq- unalu nunallaanut-ittuq nunguttailininnga Kaanataup Ukiuqtaqtumi Tariuqmi unalu pipkaidjutiyuq nakurudjutinga nunaqaqqaarhimayut Ukiuqtaqtumi ingungit ihariagiyut inmiknik piyumik amihuuninnginnik. Pulaarlugu tamna Tariuqmi Ukiuqtaqtumi Kaanata qaritauyakkut pulaarvinga ayuiryuumiriami havaanginnik ukununnga Ukiuqtaqtumi inungit Kaanatami ikayuriami nalunaqtunik naunaiyainiq-ittuq maligat ihuaqtut uumunnga nunaqaqqaarhimayut nunataarutingit unalu qangaraaluknitat piyangit ukununnga nunguttailiniqmik maniliurutauyuq iqalukhiurniq, avatingaally munarilugit hinaani urhualukhaq pivallianiq unalu urhuqyuat kuvipkainiqmut maligaq, unalu ihuaqtuq Ukiuqtaqtumi agyaqniq qayangnaittumik maligat.

Ukiuqtaqtumi Ilihimaniq Kanata (UKIUQTAQTUMI)

Ukiuqtaqtumi Ilihimaniq Kaanata (UKIUQTAQTUMI) ittuq hivumuuqtuq Ukiuqtaqtumi ihumaalutigiyauyut unalu hakugiktittiyuq Kaanatap qanuriliurninnga nunaryuaptikni hivuliqtiupluni uumani Ukiuqtaqtumi nalunaqtunik naunaiyainiq unalu ayuittiaqninnga. UKIUQTAQTUMI atuliqtitait tamna pivallianiq unalu tuniqhaininnga ilihimaniq aadlanut hilaryuami, ukuatlu Antukiuqtaqtumia. Tuniniaqtuq nakuuqpiaqtumik naunaitkutiliriniq ukununnga nalunaqtunik naunaiyainiq unalu ayuittiaqninnga naunaiyainiq Iqaluktuutiaqmi, Nunavut taiyauyuq tamna Kaanatami Quttikturmiut Naunaiyaivinga (CHARS). Naunairyuumiqlutit CHARS-mik unalu piinarialaqilugu taiguagakhat qanurittaakhaanik Ukiuqtaqtumi Ilihimaniq Kaanatami unalu qanurittaakhaa avatiliriniqmut munariniqmut Ukiuqtaqtumi Kaanata pulaaqlugu tamna UKIUQTAQTUMI qaritauyakkut pulaarvinga.

Hapummilugit ukunannga Ukiuqtaqtumi Tariuqmi Avatinga (PAME)

Piliurhimayut havaqatigiiktumik ukunannga Ukiuqtaqtumi Katimayiuyut, PAME-kut pitquyangit uqariami maligaq unalu qilamiuqtuqangittumik halumaittailiniq unalu munariniqmut pidjutauyut piyut hapummilugit ukunannga Ukiuqtaqtumi tariuqmi avatinga ukunannga tamarmik nunannga unalu Tariuq-ittuq hulilukaarutingit. Hapkuat ilaliutihimayuq ihuaqhaqhimayumik piyuq pinahuarutingit unalu maliktakhangit ilaliutiyuq ittunik maligaliriniqmut ihuarhainiq.

Hilaqyuaqmi Angutikhat Maniktait (WWF)

Hilaqyuaqmi Angutikhat Maniktait (WWF) Kanata tamna naunaiyainingaqtut nunguttailini timinga havaktut nunguttailini uumayut hivuragiyauyut, hapummini hivuragiyauyut nayuqpaktai hugiaqnilu hilap allanguqni.